Մատաղ... Դիլիջանի հանքային ջրերի գործարանի վերագործարկման պահանջով
Լրագրող Ոսկան Սարգսյանը հայտնում է. «Սեպտեմբերի 14-ին դիլիջանցի գործարար Արմեն Մարտիրոսյանը՝ իր հայրենակիցների, համախոհների հետ իրականացրել է մի քանի տարի չգործող Դիլիջանի հանքային ջրերի գործարանի վերաբացմանն ուղղված գործողություն։ Արմեն Մարտիրոսյանը իր աջակիցների հետ այցելել է Ջուխտակ վանքեր, 3 գառ մատաղ է մատուցել։ Այնուհետև նրանք այցելել են Դիլիջանի հանքային ջրերիի գործարան,որի մուտքի դարպասին փակցել են ՀՀ եռագույն դրոշը և գործարանի վերագործարկման պահանջով պաստառներ։ Գործարանի պահակները խոստացել են այդ պաստառները չհանել, ակցիայի մասնակիցների պահանջները փոխանցել գործարանի սեփականատերերին։ Դիլիջանի հանքային ջրերի գործարանը դատարանի որոշմամբ սնանկ է ճանաչվել, նոր սեփականատերերը հանրությանը հայտնի չեն, գործարանի բազմաթիվ բանվորներին միլիոնավոր դրամների աշխատավարձի պարտք կա, գործարանի սեփականատիրոջ խնդիրը դարձել է բանակցությունների թեմա, իսկ արժեքավոր, միջազգային ստուգատեսներում բարձր որակի համար բազում ոսկե մեդալներ շահած հանքային ջուրը անարգել թափվում, այլ ջրերի խառնվելով՝ հոսում է Ադրբեջան»։
Լուսանկարները՝ Ոսկան Սարգսյանի էջից
Հետևեք մեզ Facebook-ում