Կառավարությունը փոխում է ՀԷՑ-ի գործով փաստաբանական ընկերությունը

Կառավարությունը որոշել է չհամագործակցել ամերիկյան «Arnold & Porter» փաստաբանական ընկերության հետ:

Երկու շաբաթ առաջ գործադիրը փակ դռների հետևում, առանց հանրային քննարկման որոշել էր «Հայաստանի էլեկտրական ցանցերի» գործով կալանավորված գործարար-բարերար Սամվել Կարապետյանի ու նրա ընտանիքի արբիտրաժային հայցից պաշտպանվելու համար այդ ընկերությանը 3.2 միլիոն դոլար վճարել: Այսօր դարձյալ առանց հանրային քննարկման գործադիրը որոշել է այս ընկերության հետ չաշխատել ու նույն գումարը փոխանցել մեկ այլ ընկերության՝ «Foley Hoag LLP»-ին:

Ինչո՞ւ է փոխվում փաստաբանական ընկերությունը: Որոշման հիմնավորման տեքստում միայն գրել են՝ նոր հանգամանքներ են ի հայտ եկել, շահերի բախման խնդիր կա: