Վերանորոգվում են Հայոց ցեղաuպանnւթյան հուշահամալիրի Հավերժության տաճարի թեք մույթերը, ԲԱՅՑ...

Շուրջ երկու ամիս է մեկնարկել է Հայոց ցեղասպանության թանգարան-ինստիտուտի հիմնանորոգման աշխատանքների երկրորդ փուլը՝ Հավերժության տաճարի թեք մույթերի և վարչական մասնաշենքի տանիքի նորոգումը: Հայոց ցեղասպանության թանգարան-ինստիտուտից հայտնում են, որ Հայոց ցեղասպանության հուշահամալիրի հիմնանորոգման ընթացքում և՛ թանգարանը, և՛ հուշահամալիրը բաց են լինելու այցելուների և պաշտոնական պատվիրակությունների համար: Այդ նպատակով մույթերը հերթով են հիմնանորոգվում, այժմ ընթանում են առաջին երկու մույթերի վերականգնման աշխատանքները:

Նշում է, որ նախորդ տարի առաջին փուլով իրականացվել են Հայոց ցեղասպանության հուշահամալիրի հարակից կանաչապատ տարածքների ոռոգման համակարգի բարելավման աշխատանքները, որի շրջանակում Եղևնիների պուրակում գործարկվել է ոռոգման կաթիլային համակարգ։

Հիմնանորոգման ճարտարապետական խմբի ղեկավարը ՀՀ վաստակավոր ճարտարապետ Սաշուր Քալաշյանն է, որը Հայոց ցեղասպանության հուշահամալիրի և թանգարան-ինստիտուտի նախագծի համահեղինակներից է։
---
Հնարավոր է, որ պարզապես նորոգում են: Բայց հաշվի առնելով, որ Հայաստանում ու Երևանում իշխանության է ՔՊ-ն, որի բոլոր ներկայացուցիչները անխտիր ուրանում են Արցախը, անխտիր ուրանում են Արևմտյան Հայաստանը, ավելին՝ հարցականի տակ են դնում Հայոց ցեղասպանության եղելությունը, իսկ թուրքերին համարում են բարեկամ, 
շատ-շատերը այն տպավորությունն ունեն, որ պարզապես քանդվում, հողին է հավասարեցվում Հայոց ցեղասպանության հուշահամալիրը: 
Համենայն դեպս, սրանք ինչի դիպչում են, վարի են տալիս: