«ՔՊ-ի Սարիկը» կգնա՞ Գյումրու էլցանցի «Կարս» մասնաճյուղի հեռացված տնօրենի պաշտոնն զբաղեցնելու
«Հրապարակը» գրում է.«Երեկ տեղեկացրել էինք, որ ՀԷՑ-ի Գյումրիի «Ղարս» մասնաճյուղի տնօրեն Գագիկ Ֆարզադյանը ազատվել է զբաղեցրած պաշտոնից։ Ֆարզադյանը շուրջ 15 տարի է` այդ պաշտոնին էր։ Գյումրիում ՀԷՑ֊ը վեց ցանց ունի, և մեր տեղեկություններով, առաջիկայում կադրային փոփոխություններ են սպասվում բոլոր ցանցերում։
«Հրապարակ»-ի տեղեկություններով՝ այդ պաշտոնում հնարավոր է նշանակվի Գյումրու ավագանու ՔՊ խմբակցության ղեկավար Սարիկ Մինասյանը, որի հետ, ի դեպ, կապ հաստատվել չհաջողվեց։ Մեր տեղեկություններով, իշխանությունը Մինասյանին տևական ժամանակ է խոստումներով է պահում, թե անգործ ու անպաշտոն չի մնա։
Հիշեցնենք, որ Սարիկ Մինասյանը Գյումրու Սոցիալական ծառայության ղեկավարն էր, նրան ընտրությունների նախօրեին նշանակեցին Գյումրիի համայնքապետի ԺՊ, որ ընտրություններում նրա դեմքով հաղթեն: Սակայն ՔՊ- ն Գյումրիում պարտվեց և Սարիկը դարձավ ավագանու խմբակցության ղեկավար, որը հիմնական աշխատանք չունի: Հիմա փաստորեն ՀԷՑ-ը խլելուց հետո հնարավոր է դարձել նրան աշխատանքով ապահովել` մասնաճյուղի տնօրենին ապօրինաբար ազատելով աշխատանքից»:
Հետևեք մեզ Facebook-ում