ՀՀ է ժամանել օրենքով գող Մեհրաբ Քալաշովը. «Զվարթնոց» օդանավակայանի ոստիկանապետի բանավոր ցուցումով նրա մուտքը չի արգելվել
Հուլիսի 9-ին «Զվարթնոց» օդանավակայանով Հայաստան է ժամանել օրենքով գող Մեհրաբ Քալաշովը:
Ինչպես հայտում է «Այսօր.ամ»-ը, հղում անելով ֆոտոլրագրող Գագիկ Շամշյանին, վերջին տարիներին կառավարության կողմից ակտիվ պայքար է տարվում քրեական ենթամշակույթի դեմ, որի մեջ է մտնում նաև Հայաստան օրենքով գողերի մուտքի արգելումը, նրանց կողմից գողական բարքերի տարածումը կանխելը։ Մինչդեռ Մեհրաբ Քալաշովին «Զվարթնոց» օդանավակայանում, որտեղից պետք է արգելվեր նրա մուտքը Հայաստան, ՀՀ ներքին գործերի նախարարության ոստիկանության համայնքային ոստիկանության գլխավոր վարչության «Զվարթնոց» օդանավակայանի բաժնի պետ Սերգեյ Մանուկյանի բանավոր կարգադրությամբ թույլատրվել է մտնել երկիր:
Թե ինչու է Ս. Մանուկյանը ցուցում տվել, որ չխոչընդոտեն օրենքով գողի մուտքը Հայաստան, բազմաթիվ կասկածելի հարցեր է առաջացնում:
--
Թե ըստ Գագիկ Շամշյանի՝ կառավարությունն ինչ «ակտիվ պայքար է տանում» այնտեղ ինչ-որ «ենթամշակույթի» դեմ, դեռ հարցի մի կողմն է: Մենք հիշյալ «ենթամշակույթը» տեսնում ենք, թե ինչպիսի «բոցավառությամբ» է դրսևորվում փաշինյանական ռեժիմի «ՔՊ» խմբակցության կողմից:
Բացի այդ, նկատենք, որ «Զվարթնոց» օդանավակայանի բաժնի պետը հազիվ թե այն պաշտոնյան լինի, ումից կախված է նման հարցերի ինքնուրույն կարգավորումը:
Եվ վերջապես, ի՜նչ է եղել, որ. փաշինյանական Հայաստան ովքեր ասես՝ ելումուտ ունեն, բացի... նորմալ հայ մարդկանցից, Հայաստանի բարեկամ գործիչներից: Վերջինն, օրինակ, արգելվել էր փորձագետ Կարեն Իգիթյանի մուտքը սեփական հայրենիք: Իսկ «օրենքով գողերը»... հանգիստ կարող են գալ-գնալ:
Հետևեք մեզ Facebook-ում