«Կաթողիկոսն ու Եկեղեցին չեն կարող տարանջատվել»․ Հայկազուն քահանա Սահակյան
Կաթողիկոսն ու Եկեղեցին չեն կարող տարանջատվել։ Նման տեսակետ հայտնեց Հայկազուն քահանա Սահակյանը՝ «24Նյուզ»-ի հետ զրույցում․
«Հոգևորականին և Եկեղեցուն տարանջատելու բոլոր փորձերը որևէ հիմք չեն կարող ունենալ, որովհետև Եկեղեցին հավատացյալների այն բազմությունն է, որը հավաքված է եպիսկոպոսի շուրջ։ Ամեն մի հավաք չէ, որ կարող է կոչվել Եկեղեցի, այլ այն հավաքը, որը հավաքված է եպիսկոպոսի շուրջ։ Եթե մենք եպիսկոպոսին տարանջատում ենք Եկեղեցուց, ըստ էության, Եկեղեցին դադարում է Եկեղեցի լինելուց։ Եթե մենք որևէ Եպիսկոպոսի՝ թեմակալ առաջնորդ կլինի, թե Հայրապետ, տարանջատում ենք իր հոտից, հոտը դադարում է Եկեղեցի լինելուց։ Ցանկացած այս տեսակ հարձակում հայոց Հայրապետի վրա նպատակ ունի հավատացյալ համայնքին զրկել Եկեղեցի լինելու շնորհից»,- ասաց Հայկազուն քահանա Սահակյանը՝ շարունակելով․ «Հայոց Հայրապետի վրա ցանկացած հարձակում հարձակում է եկեղեցու վրա։ Կաթողիկոսը իր նախաձեռնությամբ կամ ՀՀ ԱԺ-ի ընտրություններով չի դառնում Կաթողիկոս, նա ընտրվում է Եկեղեցական ժողովի կողմից, որը կրկնակի անգամ Վեհափառ հորը՝ Գարեգին Բ-ին իր վստահությունը ցույց է տվել»,- ասաց նա։
Հետևեք մեզ Facebook-ում