Հեղեղատար համակարգը Երևանում խցանված է (տեսանյութ)

Բազմիցս անդրադարձել ենք Երևանի տարբեր վարչական շրջաններում հեղեղատար համակարգի անմխիթար և խցանված լինելու մասին, բայց քաղաքային իշխանությունները փորձում են ամեն կերպ սլաքները ուղղել դեպի Վեոլիա ջուր, իսկ Վեոլիա ջուր (ՓԲԸ)-ն չի կատարում պայմանագրով նախատեսված իր պարտականությունները, քանի որ քաղաքային իշխանության կողմից չի կատարվում պատշաճ վերահսկողություն, կամ պարզապես քաղաքային իշխանությունները իրենց գլուխը ազատում են ավելորդ գլխացավանքից, բայց երբ հորդառատ անձրևներից հետո տարբեր վարչական շրջաններից անձրևաջրերը մայթերի և ասֆալտբետոնի վրայով հոսելով առաջացնում են բազմաթիվ խնդիրներ. հասնում են կենտրոն վարչական շրջան։

Կենտրոն վարչական շրջանը վերածվում է Վենետիկի։ Իսկ քաղաքային իշխանությունները, երբ լսում են մեր քաղաքացիների դժգոհությունները արագ մեղքը գցում են Վեոլիա ջուր (ՓԲԸ) ընկերության բոստանը, այն ինչ քաղաքային իշխանությունները պարտավոր են պատշաճ վերահսկողություն իրականացնել, և եթե Վեոլիան չի կատարում իր պարտականությունները, ապա ոչ ոք չի բռնել քաղաքային իշխանության ձեռքը, որպեսզի խզի պայմանագիրը կամ վերանայի և նոր կետեր ավելացնի պայմանագրում՝ վերահսկողություն սահմանելու վերաբերյալ։

Մանրամասն՝ տեսանյութում

Երևանի ավագանու «Մայր Հայաստան» խմբակցության անդամ Արմեն Քոչարյանի ֆեյսբուքյան էջից