Քաղաքային 2,5 միավորանոց իշխանության խայտառակ կառավարման հերթական դեպքը

Ո՞ւր են պատասխանատուները և ի՞նչ պատիժ է կիրառվել նրանց հանդեպ կամ Երևանի անհամարժեք ու ձախողված քաղաքային կառավարումը՝ կրկին մարդկանց կյանքի հաշվին Ծանր մարմնական վնասվածքներով քաղաքացի է տեղափոխվել Հերացու անվան թիվ 1 համալսարանական հիվանդանոց՝ հետևյալ ախտորոշմամբ․

• Ձախ բազկի և ուսագոտու շրջանի ջնջխած վերք՝ խառը տիպի պրոֆուզ (ուժեղ) արյունահոսությամբ

• Ձախ բազկոսկրի և ձախ անրակոսկրի բաց կոտրվածք՝ տեղաշարժով

• Կրծքավանդակի փափուկ հյուսվածքների սալջարդ

• Ճակատային շրջանի պատռած վերք Քաղաքացին այս վնասվածքները ստացել է կանգառում, երբ նստարանին նստած սպասում էր «բարեփոխված» ու թանկացած հանրային տրանսպորտի…

Այս հերթական դեպքը մերկացնում է քաղաքային 2, 5 միավորանոց իշխանության անմրցունակ, անպատասխանատու և խայտառակ կառավարումը։ Այսպիսի վնասվածքներ պատահական չեն առաջանում՝ դրանք վկայում են աշխատանքի, անվտանգության ու վերահսկողության բացարձակ բացակայության մասին։ Քաղաքացիների առողջությունն ու կյանքը շարունակաբար վտանգի տակ են՝ անբարեկարգ ճանապարհների, լուսավորության բացակայության, փլուզվող շինությունների և անպիտան ինֆրաստրուկտուրայի պատճառով։ Այս ամենի ֆոնին քաղաքային իշխանություն կոչվողները իրենց զբաղեցրել են PR-ով ու թանկացված, պարտադրված վճարների դժգոհության դեմ տուգանքներով՝ փոխանակ լուծելու քաղաքացու կյանքի համար իսկապես կարևոր խնդիրները։ Ոչ լեգիտիմ իշխանությունն անընդհատ ձախողում է՝ իսկ հետևանքները՝ կրում ենք մենք՝ Երևանի բնակիչներս։

«Մայր Հայաստան» դաշինքի անդամ Սոնա Աղեկյանի ֆեյսբուքյան էջից