ՌԴ-ն ՀՀ-ին ուղղված նամակ է պատրաստում ԵՄ-ին մերձենալու նորմերի և ԵԱՏՄ-ի կանոնների հակասության մասին

Ռուսաստանը Հայաստանին ուղղված նամակ է պատրաստում այն մասին, որ Երևանի՝ Եվրամիությանը մերձենալու նորմերը հակասում են Եվրասիական տնտեսական միության կանոններին։ Այս մասին հայտնել է Ռուսաստանի փոխվարչապետ Ալեքսեյ Օվերչուկը՝ պատասխանելով ՏԱՍՍ գործակալության հարցին։

«Ես պատրաստվում եմ ստորագրել նամակ ուղղված իմ գործընկեր Մհեր Գրիգորյանին, որ, մեր կարծիքով, այդ գործողությունները հակասում են Եվրասիական տնտեսական միության նորմերին», — ասել է Օվերչուկը:

Ռուսաստանի փոխվարչապետը զգուշացրել է, որ նրանք կքննարկեն համապատասխան միջոցների կիրառման հարցը։

«Մենք ուշադիր հետևում ենք Հայաստանում տեղի ունեցող զարգացումներին։  Իհարկե, մենք միշտ կհարգենք Հայաստանի ժողովրդի ընտրությունը, բայց միևնույն ժամանակ մենք հասկանում ենք, և այժմ դա արդեն հաստատվել է Նիկոլ Փաշինյանի կողմից, որ Հայաստանի միաժամանակյա գտնվելը և Եվրասիական տնտեսական միությունում, և Եվրոպական միությունում անհնար է», — ընդգծել է նա։