Իշխանական բուրգը ճաք է տվել, երաշխիք չկա, որ Փաշինյանը 2026-ից հետո կմնա վարչապետ. Արմեն Բադալյան

Քաղտեխնոլոգ Արմեն Բադալյանը կարծում է, որ իշխանական բուրգը ճաք է տվել և երաշխիք չկա, որ Փաշինյանը 2026թ. ընտրություններից հետո կմնա վարչապետ:

«Հաշվի առնելով, որ Հայաստանում անձնիշխան կառավարման համակարգ է, հիմա մենք տեսնում ենք, որ այդ համակարգում սկսվում են կազմաքանդման գործողություններ: Առաջինը ԱԱԾ տնօրենի հրաժարականն էր: Փաշինյանն ասաց, թե Աբազյանին հանգստի է ուղարկել, բայց հասկանում ենք, որ իրականությունն այլ է, ԱԱԾ արդեն նախկին ղեկավարը հավանաբար որոշակի տեղեկություններ ունենալով, թե ինչ կարող է տեղի ունենալ Հայաստանում, կատարեց իր ընտրությունը, ցույց տալով, որ Փաշինյանի թիմակիցը չէ: Երկրորդ դեպքը ադամանդի գործով պատգամավոր Խաչատուր Սուքիասյանի անունը տալն էր, որն արեցին ռուսական պետական մարմինները: Սա դեղին քարտ և մեսիջ էր գործարարին, քանի որ նա իշխող ուժի ֆինանսական ռեսուրս ունեցող գործիչներից մեկն է: Եվ ի պատասխան սրան Հայաստանում հայտնեցին այսպես կոչված հեղաշրջման պլանի մասին, որը կազմված էր ցածր մակարդակի փիարշիկի կողմից….Եվ այս ձերբակալությունները, շոուները մեսիջ են նաև աշխարհաքաղաքական կենտրոններին, որ հույս չունենաք, թե ընտրություններով կարող եք իշխանություն վերցնել»,- Alpha News-ի հետ զրույցում ասաց Արմեն Բադալյանը:

Մանրամասները՝ տեսանյութում: