Այս տողերը հեղինակը գրել է հայելու առաջ կանգնած․ Վարդան Բալյան

«Վախկոտ է, կամազուրկ, անպատասխանատու, ունի մարիոնետային հակումներ։ Ծույլ է, հայհոյախոս, բամբասկոտ, նարցիսիստ, ամբարտավան։ Որեւէ մարդու հետ իր շփումը օգտագործում է այդ մարդու դեմ։ Ատում է մարդկանց։ Զզվանքով է վերաբերվում իր շրջապատի բոլոր այն մարդկանց, ովքեր խարիզմայի որեւէ նշույլ ունեն։ Երջանիկ է զգում անդեմ, անողնաշար, անբան, կիսագրագետ եւ Վանո Սիրադեղյանի ասած՝ «շատ կարդացած, քիչ հասկացած» մարդկանց միջավայրում»,- այս նկարագիրն է տվել ՀՀ առաջին նախագահ Լևոն Տեր-Պետրոսյանին Նիկոլ Փաշինյանը։

Երեկ՝ հունիսի 25-ին, Տեր-Պետրոսյանը հանդիպել էր Ամենայն Հայոց Կաթողիկոս Գարեգին Բ-ի հետ, որից հետո այսօր վաղ առավոտյան Փաշինյանը վիրավորական գրառումներ էր արել ուղղված կաթողիկոսին և առաջին նախագահին։

Քաղաքական վերլուծաբան Վարդան Բալյանը Փաշինյանի գրառման վերոնշյալ հատվածը մեկնաբանել է այսպես․ «Կարդում ես ու ակամա մտածում, որ այս տողերը հեղինակը գրել է հայելու առաջ կանգնած»։