Դատապարտում ենք ՀՀ իշխանությունների կողմից կազմակերպված հարձակումը Կաթողիկոսի և Եկեղեցու վրա․ Սինջար եզդիների ազգային միավորում

Հայ Առաքելական Եկեղեցին հարյուրամյակներ շարունակ եղել է հայ ժողովրդի հոգևոր հենարանը, ազգային ինքնության պահապանն ու ճգնաժամերի պայմաններում՝ ուժի աղբյուրը։ Այս ինստիտուտի վրա հարձակումն անթույլատրելի է ոչ միայն հայերի, այլև Հայաստանում ապրող բոլոր ազգային ու կրոնական փոքրամասնությունների համար, քանզի այն ուղղված է պետության կայունության, արժեքների և բազմազանության դեմ։

Մենք դատապարտում ենք Հայաստանի իշխանությունների կողմից կազմակերպված քաղաքական հարձակումը Կաթողիկոսի և Եկեղեցու վրա։ Երբ պետության ղեկավարությունը փորձում է վարկաբեկել հոգևոր ինստիտուտները, դա ոչ թե հոգևոր դաշտը կարգավորելու, այլ սեփական ձախողումներն ու վախերը կոծկելու փորձ է։

Հայ Առաքելական Եկեղեցին մնում է սուրբ և վերքաղաքական կառույց։ Հասարակական շահերը հնարավոր չէ առաջ տանել՝ հարվածելով հոգևոր արժեքներին։