Իմ երեխայի խաղալիքը մնաց Մարտակերտում. Ակցիա Նիկոլ Փաշինյանի տան դիմաց

«Մեր երեխաները խաղալու փոխարեն վախով են մեծացել, նրանց մանկությունը խեղվել է, նրանք չեն ապրում երազանքներով այլ ապրում են վախով, սա տոն չէ, մեր համար ամոթ է»»- Փաշինյանի կառավարական ամառանոցի դիմաց կազմակերպած ակցիայի ժամանակ ասաց ՀՅԴ երիտասարդական թեի ներկայացուցիչը։

Ակցաիայի մասնակիցները պարզել են «Իմ երեխայի խաղալիքը մնաց Մարտակերտում», «Վերադարձրու արցախցի երեխաների մանկությունը» գրությամբ պաստառներ։  

«Հունիսի 1-ը Հայաստանում տոն չէ, այլ հիշեցում է, թե որքան անպաշտպան են մեր երեխաները և որքան անկարող է պետությունը պաշտպանելու նրանց»,-հայտարարեց ակցիայի մասնակիցը և շարունակեց. «Ով չկարողացավ պաշտպանել մեր երեխաներին, պետք է հեռանա»։
Աղբյուրը` Panorama.am