Երկրի ղեկավարը շարունակում է «կրթվել». անադեկվտությունն ուղղակի ծփում է, բայց պատճառներն ավելի խորն են

Փաշինյանը շարունակում է անպատվել եկեղեցուն ու եկեղեցականներին: Նա այսօր ֆեյսբուքյան էջում, ի շարս այլ վրդովեցուցիչ արտահայտությունների, նաև այսպիսի անպատկառ ու գռեհիկ գրառում է արել. «Սրբազան, գնա շարունակիր քեռուդ կնգան դոմփել, ինձ հետ ի՞նչ գործ ունես»։
Ըստ որում, գրառումն այնքան լպիրշ է, որ նույնիսկ թրծված հականիկոլականները, չհավատալով, «գնում» մի հատ էլ նրա էջն էին նայում՝ հաոզվելով, որ նա իսկապես նման անպատկառություն է «երկնել»:  
Ակնհայտ է, որ այս վերբալ դիվերսիան, բացի Փաշինյանի ու նրա քպ-ականների կողմից Հայ Առաքելական եկեղեցու հանդեպ ծայրահեղ թշնամականությանն ու անհանդուրժողականությանը, որին կնախանձեր ադրբեջանական «հոգևոր առաջնորդ» Փաշազադեն, այլ պատճառներ էլ ունի:
Նման եկեղեցատյաց ժայթքումների պատճառներից մեկը այն է, որ ՀԱԵ-ն չի հրաժարվել ու շարունակում է պնդել փաշինյանական իշխանության հեռացման իր դիրքորոշումը, իսկ օրերս էլ, ամենաբարձր մակարդակով՝ Ամենայն Հայոց կաթողիկոսի մասնակցությամբ Բեռնում  տեղի ունեցավ միջազգային համաժողով՝ նվիրված Արցախի հայկական հոգևոր և մշակութային ժառանգության պահպանությանը:
Այսինքն, Փաշինյանի հիստերիկ պոռթկումների պատճառները շատ ավելի խորն են:
Տեսեք, նա նպատակադրվել է ամեն գնով, այդ թվում ու հատկապես՝ հակահայեր Էրդողանի ու Ալիևի հետ ամենաստորաքարշ տպավորություն թողնող շփումներով, մուրալ մի «խաղաղության» (իրականում՝ Հայաստանի ադրբեջանաթրքացման) թուղթ: 
Դա Փաշինյանին պետք է իշխանության պահպանման նպատակով քարոզչության համար, թե՝ «տեսեք, ձեզ խաղաղություն եմ բերել» և այդպես շարունակ:
Իսկ Հայ Առաքելական եկեղեցին, որպես դարավոր ազգային կառույց, ոչ միայն չի տեղավորվում փաշինյանական գծի շրջածիրում, այլև շարունակում է ամուր պահել ազգային արժեքներն ու ինքնության պահպանման խնդիրները, ի լրումն՝ իր կարողությունների սահմաններում հետամուտ է լինում ազգային շահերի պաշտպանությանը, հանդես է գալիս միջազգային հարթակներում: 
Ըստ այնմ, Փաշինյանը էլ ավելի սուր կերպով է մեր Ազգային եկեղեցին ընկալում որպես իր թշնամի: Բացի այդ, այդպիսով խոչընդոտվում է Փաշինյանի՝ ինքնափրկման «նախագիծը», ինչն էլ նրան նման ծայրահեղ նյարդային դրսևորումների է մղում:
Ա.Հ.
Zham.am