Ադրբեջանը Հայաստանի տարածքում անտառներ է հատում․ իշխանությունն ու բնապահպան ակտիվիստները լռում են

«Հետքը» պարզել է, որ Ադրբեջանը Հայաստանից օկուպացված տարածքներում, կոնկրետ Սյունքի մարզի Շիկահողի արգելոցում ադրբեջանական դիրքերի, ամրաշինական աշխատանքների և ճանապարհների բացման համար մոտ 60 հա անտառ է հատել։

Հատումները միայն ծառերի վնասում կամ ոչնչացում չեն։ Շիկահողի արգելոցը հարուստ կենսաբազմազանություն ունեցող անտառային էկոհամակարգային տարածք է, որը պահպանելու համար էլ այն ընդգրկվել է արգելոցային գոտում։ Բուսական աշխարհը ներկայացված է բարձրակարգ բույսերի 432 ցեղի և 92 ընտանիքի 1100 տեսակներով, որոնցից 70-ը գրանցված են Հայաստանի Կարմիր գրքում։

Ադրբեջանական բարբարոսությունների ու իրականացրած էկոցիդի մասին Հայաստանի պետական մարմիններից ձայն չի լսվում։ Իրենք արդեն վաղուց ահաբեկված են Ալիևից ու չեն ուզում Բաքվի բռնապետի ցասումը հարուցել։ Մի իշխանությունը, որը մատը մատին չի տալիս Բաքվից հայ գերիներին վերադարձնելու ուղղությամբ, հաստատ ծառերի համար իրենց ջերմ հարաբերությունները Ալիևի հետ չի փչացնի։

Լռում են նաև հայ բնապահպան ակտիվիստները, որոնք ժամանակին հանքարդյունաբերության համար մի թուփ կտրելու դեպքում իրենց հարակիրի էին անում, ամբողջ աշխարհով մեկ աղմուկ էին հանում։ Բայց հիմա ձկան նման լուռ են։ Իրենց համար ադրբեջանցիների կողմից արգելոցում ծառ հատելը խնդիր չէ։ Դրա համար իրենք չեն վճարում, որ անտեղի ժամանակ ու ռեսուրս ծախսեն։ Ուրիշ բան, եթե հանքարդյունաբերական ընկերությունները մի բան անեն, այդ դեպքում կազմ պատրաստ լաց ու կոծ կդնեին։ 2016թ․-ին Շիկահողում մի քանի ծառ էր հատվել, ներկայումս բերանները ջուր առած բնապահպանական կազմակերպությունները իրենց կոտորում էին։ Հիմա ինչո՞ւ չեք բողոքում Ադրբեջանի կողմից Հայաստանի տարածքում իրականացված էկոցիդի դեմ։ Դրա համար արևմտյան ֆոնդերը փող չեն տալի՞ս։

Որոշ հայ բնապահպան աշխուժակներ հանքարդյունաբերությանը հարվածելու համար այնքան հեռու են գնում, որ արդարացնում են անգամ ադրբեջանական կեղծ թեզերը, թե իբր Հայստանում աղտոտված գետերը լցվում են Ադրբեջանի տարածք։

«Մայր Հայաստան» դաշինքի անդամ Դերենիկ Մալխասյանի ֆեյսբուքյան էջից