Քաղաքային իշխանության խորտակված ճարտարապետությունը և կյանքի որակի անկումը մայրաքաղաքում (տեսանյութ)

Երևանը, որի երբեմնի վարդագույն քարերն ու կանաչ տարածքները հպարտության աղբյուր էին հազարավոր երևանցիների համար, այսօր վերածվել է ցեխակույտերով, փոշու թանձր ամպերով և փոսերով ողողված տարածքի։

Քաղաքի կառուցապատման և բարեկարգման անվան տակ իրականացվող շինաշխատանքները իրականացվում են առանց միասնական տեսլականի, առանց համապատասխան քաղաքաշինական վերահսկողության և, ցավոք, առանց պատասխանատվության։ Անհասկանալի ու չնախատեսված շինարարություններն սկսվում են առանց հանրային քննարկման, առանց քաղաքային կյանքին չվնասելու գրաֆիկի։

Շինարարական տեխնիկան լքում է տարածքը՝ թողնելով հետևում ցեխ, փլված մայթեր, կիսականգնած հողաթմբեր և փոշի։ Երբեմն նույնիսկ նոր կառուցված ենթակառուցվածքները (օրինակ՝ մայթերը կամ ծառուղիները) քանդվում են մի քանի ամիս անց՝ «նոր ծրագրի» համար։ Այդ ամենի արժեքը ոչ միայն ֆինանսական է, այլ նաև՝ հոգեբանական, էկոլոգիական ու ֆիզիկական՝ մարդկանց առողջության, հոգեվիճակի և կենսապայմանների հաշվին։

Քաղաքային իշխանությունը չի կարողանում լուծել որևէ խնդիր։

«Մայր Հայաստան» դաշինքի անդամ Սոնա Աղեկյանի ֆեյսբուքյան էջից