Պուտինը չի մեկնի Ստամբուլ. Պեսկով
ՌԴ նախագահ Վլադիմիր Պուտինը չի մասնակցի Ստամբուլում կայանալիք ռուս-ուկրաինական բանակցություններին։ Այս մասին CNN-ի եթերում հայտնել է նախագահի մամուլի քարտուղար Դմիտրի Պեսկովը։ Հարցին, թե հավանականություն կա, որ Պուտինը կմասնակցի բանակցություններին, Պեսկովը պատասխանել է. «Ոչ»։
Լրագրողների հետ ճեպազրույցում Պեսկովն ավելի վաղ ասել էր, որ մայիսի 14-ի երեկոյան Պուտինը հանդիպում է անցկացրել բանակցություններին նախապատրաստվելու համար։ Հանդիպմանը, բացի բանակցային խմբի անդամներից, մասնակցել են արտգործնախարար Սերգեյ Լավրովը, պաշտպանության նախարար Անդրեյ Բելոուսովը, ՌԴ Ազգային գվարդիայի ղեկավար Վիկտոր Զոլոտովը, Անվտանգության խորհրդի քարտուղար Սերգեյ Շոյգուն, Գլխավոր շտաբի պետ Վալերի Գերասիմովը և ԱԴԾ ղեկավար Ալեքսանդր Բորտնիկովը։ «Խորհրդակցությանը մասնակցել են նաև հատուկ ռազմական գործողության գոտու խմբավորումների բոլոր հրամանատարները»,- ավելացրել է Պեսկովը:
Հետևեք մեզ Facebook-ում