Իշխանությունն անցել է հիստերիկ արձագանքների փուլ

Գործող իշխանությունը կտաստրոֆիկ տապալում է ապրում արտաքին և ներքին քաղաքականության բոլոր առանցքային ուղղություններում։ Տնտեսական արդյունքները շարունակում են հիասթափեցնող մնալ, իսկ հանրային վստահությունն աստիճանաբար մաշվում է՝ հասնելով նվազագույն շեմի։ Այս պայմաններում իշխանությունը հանդես է գալիս առավել ագրեսիվ վարքագծով՝ թիրախավորելով քաղաքական ընդդիմախոսներին։

Փաստացի, ներկայիս իշխանությունն անցել է հիստերիկ արձագանքների փուլ։ Նիկոլ Փաշինյանը և իր թիմակիցները հստակ գիտակցում են, որ կորցնում են իշխանությունը, ինչը նրանց համար ընկալվում է ոչ թե քաղաքական, այլ գոյաբանական սպառնալիք։

Ստեղծված իրավիճակում, իշխանության կորուստը կանխելու հուսահատ փորձերի շրջանակում, կիրառվում են ճնշման և ահաբեկման մեթոդներ։ Դրանք դառնում են ներհասարակական պայքարի հիմնական գործիքներն ու մեխանիզմները։ Մասնավորապես, դեռևս չմարսված է Նոր Նորքի թաղապետի կողմից ընդդիմադիր ակտիվիստի խմբակային ծեծի փաստը, երբ արդեն արձանագրվում է նոր միջադեպ՝ «Մայր Հայաստան» խմբակցության անդամ Գևորգ Ստեփանյանի ընտանեկան ավտոմեքենայի հրկիզում։

Այս իրադարձությունները ձևավորում են մի հստակ միտում՝ ահաբեկման գործելաոճը դառնում է օրակարգային, իսկ ճնշման չափաբաժինը օրեցօր աճում է։ Հավանաբար իշխանությունը սխալմամբ ենթադրում է, թե այդ մեթոդները կարող են երկարաձգել իր գոյությունը՝ թեկուզ մի քանի օրով։

«Մայր Հայաստան» դաշինքի անդամ Դերենիկ Մալխասյանի ֆեյսբուքյան էջից