Ընդդիմության ճնշող մեծամասնությունն, առաջին հերթին, ուզում է տեսնել իր տեղն այդ իշխանությունում, հետո նոր` իշխանափոխություն. Սերժ Սարգսյան

«Տեսակետներ են տարածվում, թե այսօրվա կառավարչին պատրաստել ենք, որ 2018-ին իշխանություն հանձնենք, որ նա էլ 2019-ին վերադարձնի մեզ, սա ուղղակի աբսուրդ միտք է»,-այդ մասին Հայկական համալսարանի ուսանողների և դասախոսների հետ հանդիպմանն ասաց ՀՀ Երրորդ նախագահ Սերժ Սարգսյանը:

Պատասխանելով Փաշինյանին համաներմամբ ազատ արձակելու մասին հարցին՝ Սերժ Սարգսյանն ասաց, թե համաներումը անձնական ակտ չէ, այլ ընդհանուր է.

Նրա խոսքով 2008-ից հետո Հայաստանում թշնամության պակաս չկար, հասարակությունը համերաշխ չէր։

«Հասարակական համերաշխությունն ազգային անվտանգությունն ապահովող ամենակարևոր հանգամանքն է։ Համաներման ժամանակ չէինք ասելու՝ սա, սա, սա, բացի կոնկրետ մարդուց»,-նշեց Երրորդ նախագահը։

Անդրադառնալով Ռոբերտ Քոչարյանի հետ հարաբերությունններին վերաբերող ահրցին՝ Սերժ Սարգսյանն ասաց.

«Համենայնդեպս, ես Ռոբերտ Քոչարյանին թշնամի չեմ համարում: Իմ կռիվը ոչ թե Հայաստանում հեղինակություն ունենալու համար է, իմ կռիվը Հայաստանում իշխանափոխության համար է։ Ես չեմ կարծում, որ աշխարհում գոյություն ունեն երկրներ, որտեղ նախկին նախագահները 100 %-ով ամեն ինչում համաձայն են իրար հետ։ Իհարկե, տարբեր հարցերում կարող ենք տարբեր կարծիքներ ունենալ, դա գործին օգնո՞ւմ է, թե՞ խանգարում է, դա էլ խնդիր է, բայց նորից եմ ասում՝ արդար կլիներ ձեր կողմից, հարցը հնչեցնել նաև երկրորդ նախագահին»։

Երրորդ նախագահը նշեց՝ կարևոր հարց է, թե հիմա որն է ընդդիմության նպատակը՝ իշխանափոխություն անե՞լը, թե՞ կառավարիչի մոտ ընդդիմություն աշխատելը։

«Ընդդիմության պրոբլեմներից մեկն այն է, որ այդ ընդդիմության ճնշող մեծամասնությունն, առաջին հերթին, ուզում է տեսնել իր տեղն այդ իշխանությունում, հետո նոր` իշխանափոխություն։ Ես համարում եմ, որ հակառակը պետք է լինի»,-ասաց Սերժ Սարգսյանը, և հավելեց, որ ՀՀԿ-ն վարչապետի թեկանծու չի առաջադրում, որովհետև այդ հարցը չեն լուծում, այլ՝ իշխանափոխության։


Աղբյուրը` Panorama.am