Մայիսի 1–ի կապակցությամբ

Հայաստանում գործազուրկների և վարձու աշխատողների իրական խնդիրներն են՝

1․ արժանապատիվ աշխատանք և արժանապատիվ աշխատավարձ ունենալը,

2․ տանելի և մարդավայել աշխատանքային պայմաններ ու միջավայր ունենալը,

3․ գործատուի կողմից հարգանքի արժանանալը, այլ ոչ թե ստրկության ենթարկվելը,

4․ սեփական իրավունքների պաշտպանության հնարավորություն ունենալը, այդ թվում՝ իրական արհմիությունների ստեղծման միջոցով։

Կան նաև այլ խնդիրներ, բայց սրանք հիմնականներն են։ Դրանց գումարվում է նաև աշխատավորների (ու ոչ միայն նրանց) բանկային ռեկետի ենթարկվելու թեման և պատկերն ամբողջական է դառնում։

Գրառումը ոչ տոնական ստացվեց, բայց դե մայիսի 1–ն աշխատավորության իսկական տոնի վերածելու համար պետք է ոչ կենացային խնդիրների մասին խոսել։
«Մայր Հայաստան» շարժման առաջնորդ Անդրանիկ Թևանյանի ֆեյսբուքյան էջից