Իրավապաշտպաններն ակնկալում են, որ հնարավոր կլինի իրավապահներին վերադարձնել օրինականության դաշտ
- Telegram
- Skype
- ВКонтакте
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- Viber
Փաշիյանի ու Ավինյանի պաշտոնյաների կոմից Նոր Նորքի վարշական շրջանի ադմինիստրատիվ շենքում քաղաքացի, ակտիվիստ Արթուր Չախոյանի վրա կատարված խմբակային, ակնհայտ խուլիգանական դրդումներով հարձակման փաստին, ինչպես նաև՝ դրանի հետո նիկոլական ոստիկանների կողմից ոչ թե խուլիգաններին, այլ նրանց հարձակումից տուժաղին ձերբակալելու (բերման ենթարկելու)՝ հասարակության հանդեպ ոչ պակաս ծաղրական դրսևորմանը անդրադարձել է «Հինգ իրավապաշտպանների նախաձեռնությունը».
«Համացանցում տարածվել է տեսանյութ, որում Նոր Նորքի թաղապետն ու նրա ենթակաները խուլիգանական գործողություններ են կատարում հանրային գործիչ Արթուր Չախոյանի հանդեպ։ Իրավական առումով զավեշտն այն է, որ դեպքի վայր ժամանած իրավապահները բերման են ենթարկել ոչ թե խուլիգանախմբի անդամներին, այլ տուժողին։
Այնուհանդերձ, ոստիկանության ծառայողների այդ վարքագիծը տարօրինակ չէ, քանի որ որպես նրանց գործողություններն առերևույթ ղեկավարող՝ հանդես է գալիս դեռ մեկ տարի առաջ քաղաքացու խոշտանգմանը մասնակից լինելու համար քրեական հետապնդման ենթակա, բայց անպատիժ մնացած ոստիկանը։
Կարևոր է ընդգծել, որ թաղապետի ու նրա ենթակաների արարքները լիովին համապատասխանում են ոչ միայն խուլիգանության, այլև խոշտանգման հանցակազմին («Պաշտոնատար անձի կողմից … որևէ անձի դիտավորությամբ ֆիզիկական ուժեղ ցավ կամ հոգեկան ուժեղ տառապանք պատճառելը՝ … այն արարքի համար պատժելու նպատակով, որն այդ … անձը կատարել է …». ՀՀ քրեական օրենսգրքի հոդված 450):
Ակնկալում ենք, որ քաղաքական ու հասարակական կառույցների կողմից հանրային ճնշման արդյունքում հնարավոր կլինի իրավապահներին վերադարձնել օրինականության դաշտ»։
Հետևեք մեզ Facebook-ում