Աղոթում եմ, որ թուրքական ազդեցության հանցախմբին ուղղված Ձեր մաղթանքները ծայրից ծայր չիրականանան․ Վահե Սարգսյան
Yerkir.am-ի գլխավոր խմբագիր Վահե Սարգսյանը ֆեյսբուքյան էջում գրում է․
«Էհ, Սրբազան, Սրբազան…
Վիրահայոց թեմի առաջնորդության երկար ու դժվարին տարիներից, այդ ծանրագույն օրերին հյուսված մեր բարեկամությունը, դաստիարակությունս և բարոյական նկարագիրս թույլ չեն տալիս իրերը ճիշտ իրենց անունով բարձրաձայնելու:
Ու, քանի որ հատկապես վիդեոն նայելուց ու Ձեր օրհնանքի խոսքերը լսելուց հետո նաև չեմ կարող լռել, ես էլ իմ կողմից եմ աղոթում, որ Սուրբ եկեղեցի ներթափանցած թուրքական ազդեցության հանցախմբին (նրանց մեջ տեսա նաև աստվածամերժ ոմն Արսեն Թորոսյանի, Հայ Առաքելական Սբ. Եկեղեցու պատմությունը դպրոցական ծրագրերից դուրս շպրտած ոմն Ժաննա Անդրեասյանի) ու նրանց պարագլխին ուղղված Ձեր մաղթանքները ծայրից ծայր չիրականանան, ազգակործան պատուհասին ուղղված Ձեր օրհնանքը չկատարվի, Ձեր աղոթքը չլսի Աստված, որպեսզի հարատևի Հայաստան երկիրս ու ազգս հայոց»:
Հետևեք մեզ Facebook-ում