Աննա Հակոբյանի նատմամբ հակակրանքը չափելի չէ ոչ մի ՔՊ-ականի հետ զգացումի հետ․ Վարդուհի Սարգսյան
Վարդուհի Սարգսյանը ֆեյսբուքյան իր էջում գրում է․
Այն հակակրանքը, որն այս ազգի մեծամասնությունը տածում է Աննա Հակոբյանի նկատմամբ չափելի չէ ոչ մի ՔՊ-ականի հանդեպ ունեցած բացասական զգացումի հետ և դա գիտեն բոլորը: Պատճառն այն է, որ այդ կինը իր վարքագծով է վաստակել այդ վերաբերմունքը և ոչ թե Փաշինյանի վարած քաղաքականության։ Ֆեյքերի ՊՈԱԿ-ը և նիկոլական էշելոնի ստորին ստորները երեկվանից համացանցով վիրավորական խոսքեր են գրում զոհված զինծառայողների ծնողների մասին, ովքեր քննադատություն են հնչեցրել Աննա Հակոբյանի հասցեին։ Մարդկային դիմագիծը վաղուց կորցրած այդ արարծներին հարկ չեմ համարում անդրադառնալ քանզի ոչնչություններին անդրադառնալը զուր ժամանակի կորուստ է, բայց չեմ կարող չանդրադառնալ քայլող խայտառակություն առաջին տիկնոջը: 7 տարի շարունակ ունենալով պետության առաջին տիկնոջ կարգավիճակ նա այդպես էլ չգիտակցեց, որ սահմաններ կան որոնք թույլատրելի են բոլորի համար, բայց ոչ առաջին տիկնոջ։
Նա չգիտակցեց կամ չուզեց գիտակցել, որ ամեն օր սեփական զավակների սառը շիրմաքարերը կամ հողաթմբերը գրկած և կարոտից խենթացած ծնողների հետ պետք չէ վիճաբանության բռնվել, որքան էլ նրանց խոսքերը խոցեն քեզ՝ չէ որ նրանք իրենց որդիների կուրստի մեղավորը ձեզ են համարում՝ իսկ միթե՞ դա չէ ճշմարտությունը: Պատերազմից անցել է 5 տարի բայց մայրերի ողբին և հայրերի տառապանքին դուք ամեն օր կարող եք ականատես լինել Եռաբլուր կոչվող այդ սրբավայրում…
Հետևեք մեզ Facebook-ում