Հիմա ասածդ ի՞նչ է, ի՞նչ ես սպառնում անել․ Քրիստինե Վարդանյանը՝ Ալեն Սիմոնյանին

Փաշինյանի կուսենթակա, հայ մարդկանց վրա «չերեզ թիկնապահներ» թքող Ալեն Սիմոնյանը, ինչպես հայտնի է, բացահայտ սպառնացել է ԱԺ ընդդիմադիր պատգամավոր, «Հայաստան» խմբակցության անդամ, դաշնակցական Քրիստինե Վարդանյանին: 
Քրիստին Վարդանյանն արձագանքել է այդ սպառնալիքին.
«Ի՞նչ պիտի անես, էլի…
Ուզում եմ հասկանալ, ինչի՞ մասին է սպառնալիքդ։
Սպառնո՞ւմ ես ֆեյքերի արշավ կազմակերպել։ Արդեն արել եք։
Սպառնո՞ւմ ես սուտ տեղեկություններ տարածել։ Արդեն արել եք։
Սպառնո՞ւմ ես ամբիոնից պիտակավորել ու թիրախավորել։ Արդեն արել եք։
Սպառնո՞ւմ ես կեղծ գործով կալանավորել։ Իմ նկատմամբ դեռ չեք արել, բայց փորձ ունեք, կարող եք անել։
Հիմա ասածդ ի՞նչ է, ինչ ես սպառնում անել։
Անձնապես ինձ ամենամեծ վնասն արդեն տվել եք՝ զրկելով ինձ համար կարևոր արժեքներից։ Սպառնո՞ւմ ես, որ ավելին կարող եք։ Հավատում եմ»։