Ես հայրենիքի դավաճանների հետ ճանապարհ գնացողը չեմ՝ թեկուզ ոտքս էլ կտրվի, ձեռք էլ կտրվի. Վարդան Ղուկասյան
«Ուղեղով որ մտածում ես, ճիշտ են մտածում, բայց ինձ ճանաչելով չեն կարող նման բան մտածել։ Ես երբեք չեմ ծախվել»,- քվեարկելուց հետո լրագրողներին ասաց Գյումրիի ավագանու արտահերթ ընտրություներին մասնակցող «Հայաստանի կոմունիստական» կուսակցության նախընտրական ցուցակը գլխավորող, Գյումրիի նախկին քաղաքապետ Վարդան Ղուկասյանը՝ պատասխանելով հարցին՝ «ասում են ՔՊ համար ձեռնտու թեկնածու եք, քրեական գործեր կան ձեր դեմ, կկալանավորեն»։
«Ես հայրենիքի դավաճանների հետ ճանապարհ գնացողը չեմ թեկուզ ոտքս էլ կտրվի, ձեռք էլ կտրվի, ինձ համար ամենբարձրը Հայաստանն ու հայ ժողովուրդն է»,- ասաց Ղուկասյանը։
Նա նշեց, որ եթե իրեն էլ կալանավորել, իր ավագանիները ստանձնելու են քաղաքի ղեկը, ինքն էլ կաշխատի կալանավայրից։
«Մտքներից հանեք ՔՊ-ին միանալու մասին։ Արցախը հանձնողների հետ, եթե ինձ պես տղեն միանում է, ուրեմն իմ արյունը սուտ է»,- ասաց Ղուկասյանը։
Աղբյուրը` Panorama.am
Հետևեք մեզ Facebook-ում