Իմ անձնական համակրանքը «Մայր Հայաստանի» կողմն է․ Արեգնազ Մանուկյան

Մայրս գյումրեցի է: Շատ հաճախ եմ եղել Գյումրիում: Քաղաքը և՛ մանկական հիշողություններ է արթնացնում, և՛ ցավի զգացողություն: Մանկական հիշողությունը բարի է, իսկ ցավի զգացողությունը պայմանավորված է երկրաշարժով ու Գյումրու այսօրվա վիճակով:

Գյումրու ավագանու արտահերթ ընտրությունը հրաշալի հնարավորություն է տալիս հասնելու դրական փոփոխության: Ընդ որում՝ ոչ միայն Գյումրիում: Այդ նպատակով պետք է որևէ պարագայում չքվեարկել «Քաղաքացիական պայմանագրի» օգտին: Չքվեարկել նաև այդ ուժին կցվածների, դրածոների օգտին:

Ինչ վերաբերում է ընդդիմադիր դաշտին, ապա այստեղ ընտրության տարբերակներ կան: Գյումրեցին կարող է իր համոզմունքներով քվեն տալ որևէ մեկին: Բայց կարևորը, որ հետագայում այդ ուժերը կարողանան վեր կանգնել անձնական հավակնություններից, միավորվել ու ձևավորել նոր իշխանություն: Ամբողջ Հայաստանի ուշադրությունը Գյումրու վրա է: Այնպես որ, ձեզ տեսնենք, սիրելի՛ գյումրեցիներ: