4 հիմնավոր պատճառ, թե ինչու գյումրեցիները չպետք է ընտրեն ՔՊ և Սարիկ Մինասյանին

19 Մարտ, 2025 13:45

Լրագրող Ոսկան Սարգսյանը գրում է. «Մարտի 30-ին բնակչությամբ Հայաստանի երկրորդ քաղաք Գյումրիում կկայանան համայնքի ավագանու ընտրություններ։ Այս ընտրությունները սոսկ տեղական նշանակություն չունեն, դրանց նշանակությունը շատ մեծ է, այն լակմուսի թղթի նման բացահայտելու է աղետաբեր իշխանության վարկանիշը։ Գյումրու ավագանու ընտրությունների գործընթացին որևէ կերպ չեմ մասնակցում, նախընտրած քաղաքական ուժ չունեմ, սակայն համոզված եմ, որ կա առնվազն 4 հիմնավոր պատճառ, թե ինչու գյումրեցիները պետք է մերժեն ՔՊ-ին ու Սարիկ Մինասյանին։

1-ին պատճառ, ՔՊ-ի «Մեր Սարիկը» ամենևին էլ իրենցը չէ, նա եղել է ՀՀԿ, ԼՀԿ կուսակցությունների անդամ, այսինքն՝ քաղաքական կուսակցություններ, սկզբունքներ փոխող անձ է, իրավիճակին հարմարվող, փոփոխական ։

2․ Մարտի 30-ի ընտրություններում ՔՊ-ի թեկնածուների ցանկի 2-րդ համարը Աննա Հակոբյանի մորաքրոջ թոռն է, շատ հավանական է,որ Սարիկ Մինասյանի համայնքապետ ընտրվելուց հետո կարճ ժամանակ անց նա կփոխարինի Սարիկին, կդառնա Գյումրու համայնքապետ։

3․Սարիկ Մինասյանը ասել է, որ Արցախում մեր պարտության պատճառը եղել է այն, որ չեն կռվել։ Նրա այդ խոսքերը վիրավորանք են մեր հերոս տղաներին, որոնք 44 օր անհավասար կռիվ մղեցին, հազարավորները դարձան նահատակ։ Այսպիսի կեղծիք, մանիպուլյացիա անող Սարիկ Մինասյանը չպետք է դառնա Գյումրիի ղեկավար։

4․ Խիստ անհավանական է , որ այսքան աղետներ բերած, ամեն ինչում ձախողված ՔՊ-ն ևս 5 տարի, մինչև 2030 թվականը Հայաստանում մնա իշխանություն, ուստի կարիք չկա Գյումրիում ՔՊ-ական իշխանություն ընտրելու, ձևավորելու» ։