Նիկոլ Փաշինյանը, Գյումրիում իր թալանի «փչացած պլաստինկան» օգտագործելով, մեծ վիրպում թույլ տվեց

Երեկ Նիկոլ Փաշինյանը, որոշեց անձամբ մասնակցել մինչ ընտրության փուլում գտնվող Գյումրու և Փարաքարի համայնքների փաստացի սկսված ՔՊ-ի նախընտրական արշավներին:

Գյումրիում ՔՊ-ն  լավ վիճակում չէ, և դա զգացվում էր նաև Փաշինյանի խոսույթից: Նա ավելի շատ ջղաձգված ելույթ ունեցավ, փորձելով կրկնել իր 2021-ի նախընտրական կարգախոսները, մոռանալով, որ չորս տարի անց, նույնիսկ իր ընտրազանգվածն է հիսթափվել իր «փրկչի»  սուտ կարգախոսներից:

Մարդիկ տեսան, որ 2021-ին Փաշինյանն իրենց խաբեց, նախկին թալանը ոչ միայն հետ չբերվեց, այլև հենց ինքը՝ Փաշինյանն ու իր թիմակիցները մխրճվեցին այդ նույն թալանի մեջ:

Իրենց թիմակիցների  80-ից մինչև 200 հազարանոց թանկարժեք մեքենաներն արդեն տեսանելի են բոլորի  համար: Իսկ Ավինյանի 20 հազար դոլարանոց ավիաթռիչքի համար նախատեսված տոմսը միայն մեկ դրվագ է իրենց ողջ թալանչիական քաղաքականության շարքում:

Փաշինյանը կրկին  հիշեցրեց   Զանգեզուրի Պղնձամոլիբդենային կոմբինատի շուրջ թալանի մասին, մոռանալով, որ այդ նույն կոմբինատի 21 տոկոսը պոկելով և իբր պետական բաժնեմաս դարձնելով, փաստացի այդ խողովակի միջոցով հսկայական թալանի միջոց դարձրեց իր և իր թիմակիցների համար:

 Օրինակ, ըստ  ՀԵՏՔ-ի,  ԱՆԻՖ-ը («Հայաստանի պետական հետաքրքրությունների ֆոնդ») ընդամենը 8 օր առաջ հիմնադրված օֆշորային ընկերությանն է փոխանցել 1,5 մլրդ դրամ, իսկ այդ  նորաստեղծ բիզնեսի հիմնադիրն է Ավինյանի կնոջ ընկերուհին:

Հիշեցնենք, որ  պետության 21 տոկսանոց բաժնեմասը տնօրինում էր այդ նույն արդեն տխրահռչակ դարձած ԱՆԻՖ-ը, որը ֆորմալ, պետական ընկերություն էր:

Իսկ որ այս թալանի չափսերը հասնում եին մինջև 60 մլն դոլարի, նույնիսկ Փաշինյանի պետական ատյաններն են խոստովանում:

Հասկանալի պատճառով, ԱՆԻՖ-ի մասին Գյումրիում Փաշինյանը «մոռացել» էր և այդ իսկ պատճառով սխալմամբ հիշեց Զանգեզուրի կոմբինատի պատմությունը  և փաստացի ստացվեց, որ «կրակեց իր սեփական ոտքերի վրա»:

Բայց  դա նաև անխուսափելի էր, քանի որ բացի կոռուպցիայի թեզից, Փաշինյանն այլևս ոչինչ չունի խոստանալու մարդկանց:

Նա միայն հանձնել է, վնասել է, փչացրել է, թանկացրել է, մարդկանց սոցիալական վիճակը ծանրացրել է, իր թիմակիցների թալանը ծաղկացրել է:

Այդ իսկ պատճառով, իր այցի ամենագլխավոր քննարկման առարկան են դարձել Ալեն Սիմոնյանի թանկարժեք կոշիկները, որն այդ այցի ընթացքում ուղեկցում էր իր շեֆին:

Սա է իրականությունը:

Դավիթ Մկրտչյան
Zham.am