ՔՊ-ն շատ կանխատեսելի ու ծիծաղելի է

Քաղաքագետ Դերենիկ Մալխասյանը գրում է. ««Մայր Հայաստանը»՝ Կարեն Սիմոնյանի ջանքերով մոտ մեկ ամիս առաջ գյումրեցիների դատին ներկայացրեց «Գյումրին ազատ տնտեսական գոտի» դարձնելու բազմաշերտ ու հեռանկարային զարգացման ծրագիրը։ Ծրագրի իրականացման ճանապարհին ստացավ 7700 գյումրեցու ստորագրված աջակցություն ու օրենքի ուժով պետք է մտնի նոր ձևավորվող ավագանու օրակարգ։

Այս ամենի ֆոնին այսօր հայտարարում են, որ ՀՀ ՏԿԵ նախարարի տեղակալ Վարդան Կոստանյանն ընդունել է Ասիական զարգացման բանկի (ԱԶԲ) հայաստանյան գրասենյակի մշտական առաքելության տնօրեն Դոն Լամբերտի գլխավորած պատվիրակությանը ու քննարկել Գյումրու «Չոր Նավահանգիստ» նախագծի իրագործման տեխնիկական փուլի վերաբերյալ մի շարք հարցեր։

Բնական է, որ ՔՊ-ական իշխանությունը ի վիճակի չէ որևէ մասշտաբային կամ նույնիսկ միջին մեծության ծրագիր կյանքի կոչել։ Վերջին 7 տարիները դրա վառ ապացույցն են։ 7 տարի է քննարկում են Երևանում Աջափնյակի մետրոյի կայարանի կառուցումը ու քննարկման փուլից առաջ չեն գնացել։ Մարդկությունը Մարս մոլորակը ավելի շուտ կբնակեցնի, քան ՔՊ-ն Գյումրիում չոր նավահնագիստ կկառուցի։

Բայց նման էժանագին հայտարարություններով նախընտրական փուլում փորձում են իբր հակադարձել Մայր Հայաստանի ներկայացրած ծրագրին։ Չի՛ անցնելու, ձեր գնացքն արդեն գնացել է, գյումրեցիները ամեն ինչ հասկանում են, ու ճիշտ հետևություններ կանեն»։