ՀՖՖ նիկոլական ղեկավարությանն առաջարկվել է «անցնցում հեռանալ»
Ոստիկանական բիրտ ու, ընդգծենք՝ «կարմիրբերետավոր» (սրանք առանձնահատուկ դաժաններն են), ուժը մնացել է ոչ միայն Փաշինյան Նիկոլի միակ հենարանը, այլև՝ նրա կողմնակից ՀՖՖ նախագահի ու նրա ֆեդերացիոն ղեկավարության:
Համենայն դեպս, երբ երեկ ՖԱՖ ֆան-ակումբի անդամները ՀՖՖ ղեկավարի հեռանալու պահանջով ակցիա են իրականացրել, խաղադաշտ են ներխուժել «կարմիրբերետավորները», հարձակվել են բողոքի խաղաղ ակցիա իրականացնողների, ինչպես նաև՝ երկրպագուների վրա, քաշքշել, գցել խոտածածկին, բիրտ ուժ են գործադրել, ձերբակալություններ են արել: Մի խոսքով, արդեն սովորական դարձած ոստիկանական բեսպրեդել է եղել ու, ցավոք, նույնքան սովորական դարձած «կարմիրբերետավոր» բռնություն: Երևի դեռ լավ է, որ «կարմիրբերետավորները» բեկորային նռնակներ չեն նետել երկրպագուների ու ֆուտբոլիստների վրա, ոչ մեկին հաշմանդամ չեն դարձրել ու չեն սպանել:
Բայց այդ հարձակումը լցրել է ՀՖՖ Գործադիր կոմիտեի անդամ, «ՖԱՖ»-ական Կարեն Շաբոյանի համբերության բաժակը, ու նա հայտարարել է ՀՖՖ Գործկոմի անդամի լիազորություններից, ի նշան բողոքի, հրաժերվելու մասին: Ահավասիկ Կ.Շաբոյանի ֆեյսբուքյան գրառումը.
«Հարգելի ընկերներ,
Հանդիսանալով ՖԱՖ-ի հիմնադիր անդամ՝ 18 տարվա ընթացքում ես երբեք չեմ հանդիպել նման վերաբերմունքի, երբ 9 երկրպագու ձերբակալվում է, 72 ժամով կալանավորվում, և նրանց դեմ հարուցվում է քրեական գործ։
Առաջարկել եմ ՀՖՖ ղեկավարությանը հանդիպել երկրպագուների հետ, անկեղծորեն քննարկել ստեղծված խնդիրները և ֆիքսել հստակ ժամանակացույց՝ ընթացիկ ծրագրերը ավարտին հասցնելու և անցնցում հեռանալու համար։ Ցավոք, այս առաջարկը չի ընդունվել»։
Հետևեք մեզ Facebook-ում