Վարդան Ղուկասյան. Գետինը մտնեք, էդքան բան

«Ես սրանց ուզում եմ ծիծաղով ասել՝ գիտե՞ք, դուք մեղք եք, էնքան բացահայտ ու ցայտուն է ձեր քաղաքական պատվերը, էսքան տարի չհոգնեցի՞ք դուք էդ դավերից»,-ֆեյսբուքյան իր էջում հրապարակած տեսանյութում ասում է Գյումրու նախկին քաղաքապետ, Գյումրու ավագանու արտահերթ ընտրություններում մասնակցելու որոշման մասին  հայտարարած Վարդան Ղուկասյանը՝ անդրադառնալով իր նկատմամբ քրեական գործ հարուցելու մասին լուրերին։

Նրա խոսքով, դատաիրավական համակարգի ռեյտինգն այնքան են իջեցրել, որ «պլինտուսից էլ վար է»։

«Գիշեր-ցերեկ ասում են՝ ի՞նչ անենք, հանձնարարական են տվել, օրենքը պետք է լինի ձեր հանձնարարականը, ամոթ է, մի քիչ դրանով առաջնորդվեք, որպեսզի էս երկիրը իրոք ճահիճից դուրս գա, դատաիրավական ոլորտն է, որ քանդում է մեր երկիրը»,-ասում է  նա։

Ղուկասյանը մի անկեդոտ է պատմում ու ավելացնում. «Այ տղա, ինչի՞ եք ընկել իմ հետևից, այնպայման ուզում եք  ինձ դատի տաք, երբ որ Նիկոլին դատում էին, ես դեմ քվեարկեցի։ Եվ ընդհանրապես ես չեմ ուզեցել, որ մեկը գաղութ գնա, բացի մանյակներից, դավաճաններից ու արյուն ծծողներից, իսկ մնացածին ազատություն, հասկանալի՞ է։ Լավ գիտեցեք, որ Աստվածաշունչն ասում է, մի դատվեք, որ չդատվեք։ Տեսեք, նախկին դատախազները որտե՞ղ են՝ փախած, դատված, մահացած, հըլը նայեք ներքին գործերի նախարարները որտե՞ղ են՝ մեռած, սպանված, ես չգիտեմ ինչ։ Դատավորները նույնությամբ։ Ընենց արեք, որ դուրս գաք, ընկնեք ժողովրդի գիրկը, ոչ թե եսիմ ում գիրկը։ Հումորով ձեզ ասեմ, որ մի քիչ զգաստանք։ Գետինը մտնեք, էդքան բան»։
Աղբյուր` Panorama.am