Փաշինյանի հետ հանդիպող սփյուռքահայերից վերցնում են հեռախոսները, ժամացույցները, գրիչները․ Գասպար Կարապետյան
Սփյուռքահայության և մանավանդ Եվրոպայի հայերի մտահոգությունները վերջին շրջանում սկսել են էլ ավելի մտահոգիչ դառնալ, որովհետև վարչապետի մի քանի երկրներ այցելությունները, փակ հանդիպումները անելը, որտեղ զարմանալիորեն ներս մտնողների ձեռքից վերցնում են ոչ միայն հեռախոսները, այլեւ ժամացույցները, գրիչները, բլոկնոտները, որ չկարողանան նույնիսկ բան արձանագրել, ժողովրդավար երկրների համար անհասկանալի է: Այս մասին, այսօր՝ փետրվարի 26-ին, ՀՅԴ Ընդհանուր ժողովից առաջ լրագրողների հետ զրույցում նշեց ՀՅԴ Եվրոպայի Հայ դատի հանձնախմբի նախագահ Գասպար Կարապետյանը:
«Բայց իհարկե, հիմնական մտահոգությունը վարչապետի արտահայտություններն են, որոնք վերաբերում են Ցեղասպանությանը, ՀՅԴ գաղափարախոսությանը, ինչպես ինքն է երևակայում Սփյուռք-Հայաստան հարաբերություններին: Այս բոլորը շատ մեծ մտահոգություն պատճառող հարցեր են»,-ասաց նա:
Հարցին՝ կարծում եք՝ այս իշխանությունը սփյուռքում ունի՞ աջակցություն, Կարապետյանը պատասխանեց. «Որևէ իշխանություն աջակցություն կունենա, հիմա ինչ չափ կունենա կամ ոչ, դա չենք կարող վստահ արձագանագրել, որովհետև քվեարկություն չկա: Բայց այս պարագայում վստահ եմ, որ Սփյուռքի մեծամասնությունը դեմ է»:
Մանրամասն՝ տեսանյութում։
Հետևեք մեզ Facebook-ում