Ամերիկահայությունը Նիկոլի հետ համայնքի հանդիպմանը ներկա գտնված մասնակիցներից գրեթե ոչ ոքի չեն ճանաչում.Նաիրա Կարապետյան
ԱԺ նախկին պատգամավոր Նաիրա Կարապետյանը գրում է
«Վաշինգտոնի հայ համայնքը բավականին զարմացած է, քանի որ Նիկոլի հետ ՀՀ դեսպանատանը տեղի ունեցած հանդիպմանը ներկա գտնված մասնակիցներից գրեթե ոչ ոքի չեն ճանաչում:
Հանդիպմանը ներկա է եղել շուրջ 55 անձ, նկարներից պարզ երևում է, որ ԱԳՆ-ն ջանք չի խնայել դիվանագիտական կորպուսի լիարժեք մոբիլիզացիա կազմակերպելու համար՝ Վաշինգտոն են կանչվել հնարավոր բոլոր դիվանագիտական ծառայողները, անգամ Ամերիկայի խոշոր քաղաքներում ՀՀ հյուպատոսներ, մի շարք քաղաքներում ՀՀ պատվո հյուպատոսներ, ներկա են եղել նաև Վաշինգտոնում գտնվող մի շարք հայաստանցիներ, որոնք, իհարկե, տեղի հայ համայնքի հետ որևէ աղերս չունեն:
ԱՄՆ հայ համայնքի համար չափազանց անակնկալ կերպով Փաշինյանին գրկաբաց Վաշինգտոնում ընդունել է «Ամերիկայի հայկական համագումար» կազմակերպությունը:
Սա այն կառույցն է, որ 2020թ. պատերազմից հետո լղոզված տեքստով պահանջում էր Նիկոլի հրաժարականը, իսկ հիմա նույնպիսի լղոզված կեցվածքով հանդիպում է նրա հետ: Հանայնքում խոսում են, որ անհրաժեշտ է բոյկոտել Համագումարին՝ բոլոր հնարավոր միջոցներով այս խայտառակ քծնանքի համար»:
Աղբյուր` Panorama.am
Հետևեք մեզ Facebook-ում