Գրենլանդիայի սառցաշերտը սկսել է ճաքել ավելի արագ, քան սպասվում էր

Համաշխարհային օվկիանոսի մակարդակը դինամիկ փոփոխությունների պատճառով 2030 թվականի կարող է բարձրանալ մինչև տասը մետրով։ Այս մասին բրիտանական The Guardian հրատարակությանը հայտնել է Դուրհամի համալսարանի աշխարհագրության դոցենտ Թոմ Չադլին։

Նշվում է, որ 2016- 2021 թվականներին կլիմայի փոփոխության պատճառով Գրենլանդիայի սառցաշերտը սկսել է ճաքել ավելի արագ, քան սպասվում էր։ Իսկ այդ ճեղքերը, որոնք վաղուց կային, զգալիորեն աճել են։

Պատճառների թվում են՝ սառույցի հալման ավելացում ավելի տաք եղանակից և օվկիանոսի սառույցի արագ շարժ՝ պայմանավորված օվկիանոսի ջերմաստիճանի բարձրացմամբ։

«Սրանք կապված են սառցադաշտի շարժման և դրա արագացման հետ... դինամիկ անկայունությունը կարող է հանգեցնել ծովի մակարդակի մեկ մետր բարձրացմանը 2100 թվականին, իսկ 10 մետրով՝ մինչև 2300-ը»,- ասվում է հրապարակման մեջ։

Գազետա.ռու-ի հաղորդմամբ, Չադլին եզրակացրել է, որ, հետևաբար, գիտնականները պետք է կանխատեսեն ծովի մակարդակի բարձրացումը՝ փոփոխություններին հարմարվելու համար:

Աղբյուր` Panorama.am