«Տրանսգենդերային խելագարությանը» ԱՄՆ-ում վերջ կդրվի. Թրամփ

ԱՄՆ նորընտիր նախագահ Դոնալդ Թրամփը հայտարարել է, որ 2025 թվականի հունվարին՝ պետության ղեկավարի պաշտոնը ստանձնելու օրը, վերջ կտա «տրանսգենդերային խելագարությանը»։ Նրա նախագահության ընթացքում ԱՄՆ կառավարության պաշտոնական քաղաքականությունը կլինի այն, որ «գոյություն ունեն միայն երկու սեռ՝ արական և իգական»։ Այդ մասին նա ասել է կիրակի օրը՝ դեկտեմբերի 22-ին, Ֆենիքսում անցկացված «AmericaFest» համաժողովում, որը ուղղված է երիտասարդ պահպանողականներին։ «Դոյչե Վելե»-ի փոխանցմամբ, նրա խոսքերը մեջբերել  է  AFP-ն։

ԱՄՆ նորընտիր նախագահը վստահեցրել է, որ կստորագրի «երեխաների սեռական անդամահատմանը վերջ տալու» գործադիր հրամանը և արգելելու է տրանսգենդերներին ծառայել բանակում և աշխատել դպրոցներում։ Թրամփը նշել է, որ ցանկանում է «տղամարդկանց հետ պահել կանանց սպորտից»։

Համաժողովի իր ելույթում հանրապետականը նաև հայտարարեց «միգրանտների հանցավորության» դեմ պայքարի անհապաղ քայլերի մասին և խոստացավ, որ թմրակարտելները կդասակարգվեն «ահաբեկչական կազմակերպությունների» շարքին:

Իլոն Մասկը տրանսգենդեր դուստր ունի

Միլիարդատեր Իլոն Մասկը, որը տասնյակ միլիոնավոր դոլարներ է նվիրաբերել Թրամփի քարոզարշավին, բազմիցս դեմ է արտահայտվել այն մարդկանց առողջությանը միջամտելուն, ովքեր չեն նույնականացնում իրենց կենսաբանական սեռը: Մինչդեռ նրա 20-ամյա աղջիկը՝ Ջեննա Ուիլսոնի Վիվիանը, 2020 թվականից պնդում է, որ ապրում է որպես տրանսգենդեր կին։ Որոշ ամերիկյան լրատվամիջոցներ դստեր հետ Մասկի տարաձայնությունները համարում են հիմնական պատճառը, որ միլիարդատերը վերջին տարիներին ակտիվորեն ներկայացնում է ամերիկյան աջերին։