«Նիկոլ Փաշինյանն` իր համար վատ ու ավելի վատ երկընտրանքի առաջ». Ոսկան Սարգսյան
Լրագրող Ոսկան Սարգսյանի ֆեյսբուքյան գրառումը․ «Նիկոլ Փաշինյանն` իր համար վատ ու ավելի վատ երկընտրանքի առաջ։
Մահացել է Հովիկ Աղազարյանի կինը, ցավալի է։ Ինձ համար երբեք ընդունելի չի եղել Հովիկ Աղազարյանի քաղաքական կերպարը, սակայն կարելի է հասկանալ նրա ընտանիքի վիշտը։ Նրա կնոջ մահը որոշակի առումով Հովիկ Աղազարյանի դեմ քարոզչական կեղտոտ արշավի հետևանք է։
Այժմ Նիկոլ Փաշինյանը կանգնած է իր համար վատ ու ավելի վատ երկընտրանքի առաջ՝ դատախազին ու քայլող ուսապարկերին հրահանգ տալ պատգամավորական անձեռնամխելությունից զրկել, կալանավորել Հովիկ Աղազարյանին կամ հանգիստ թողնել նրան:
Առաջին դեպքում առանց այն էլ փոքր վարկանիշ ունեցող Նիկոլ Փաշինյանն ավելի է արժանանալու հանրության բացասական վերաբերմունքին, երկրորդ դեպքում՝ Հովիկ Աղազարյանին չպատժելու պարագայում, հետո ուրիշ քայլող ուսապարկեր կարող են անհնազանդություն ցուցաբերել «վոժդին»։ Թե այս 2 սցենարներից ո՞րն է վատ կամ ավելի վատ Նիկոլ Փաշինյանի համար, ինքը կիմանա»։
Հետևեք մեզ Facebook-ում