«Սողացող անվճարունակության աղետը, 2025 թվականին պայթելու դեպքում, կբերի ահռելի տնտեսական կորուստների»

15 Դեկտեմբեր, 2024 7:59

Տնտեսագետ Հրայր Կամենդատյանը ֆեյսբուքյան էջում անդրադարձել է փաշինյանական իշխանության ակնհայտորեն քաղաքական ու քարոզչական որոշմանը՝ մի շարք վարկառուների՝ մինչև 1 մլն դրամի անհուսալի վարկերը «հերոս հարկատուների» գրպանի ու պարտաճանաչ հարկ ու վարկ վճարողների հաշվին փակելու մասին:
Նա գրել է «Մոտ 140000 ՀՀ քաղաքացու անհուսալի վարկերի սուբսիդավորման գործընթացի քննարկումը համարենք սկսված։

1.Ովքե՞ր են շահելու

1.1. Վարկ վերցնող եվ չվերադարձնող անձիք

1.2. ՀՀ բանկերը

1.3. խաղային ինդուստրիա

1.4. ռեյտինգ չունեցող իշխանությունը ( իրենց չեղած ուղեղով )

2. Ովքե՞ր են տուժելու

2.1. ՀՀ պետական բյուջեն

2.2. Պարտաճանաչ վարկ մարողները

2.3. խաղային ինդուստրիայի հետ չփոխկապակցված բանկերը

2.4. վարկերի դիմաց գրավադրված գույք կորցրածները

3. Ո՞վ է մեղավոր ահռելի անհուսալի վարկերի համար

3.1. ՀՀ առևտրային բանկերը

3.2. ՀՀ կենտրոնական բանկը

3.3. ՀՀ կառավարության ֆինանսական շուկաների պատասխանատուները

Ինչպես տեսնում ենք,բազմաթիվ անհայտ եվ հայտնիներով խնդիր է գոյացել, որը սպառնալիք է դարձել բանկերի իրացվելիության եվ հուսալիության համար։

Մոտ օրերին առանձին հարցազրույցի ձեւաչափով փորձաքննության կենթարկենք սողացող անվճարունակության աղետը, որը 2025 թվականին պայթելու դեպքում կբերի ահռելի տնտեսական կորուստների։

Հիմնական մտահոգությունը ՀՀ առևտրային բանկերի ընդհանուր կապիտալին է առնչվում, այդ թվում հաճախորդների ընթացիկ հաշիվներին եվ ավանդներին։

Շարունակելի...»: