Թեհրանում հանրահավաք են կազմակերպել կառավարամետ ուժերը (Տեսանյութ)

Իրանի իշխանություններն այսօր, ի պատասխան երկրում արդեն 7 օր շարունակվող հակակառավարական ցույցերի, իրենց աջակիցների հանրահավաքն են կազմակերպել Թեհրանում:

Հիշեցնենք, որ դեկտեմբերի 28-ից Իրանական Fars գործակալությունը դեկտեմբերի 29-ին հայտնել էր վեց քաղաքում զանգվածային ցույցերի մասին։ Ըստ իրանական լրատվամիջոցների՝ ցույցերն ուղղված են երկրի կառավարության վարած տնտեսական քաղաքականության դեմ։

Ինչպես «Ազատության» հետ զրույցում փոխանցեց «Ազատություն» ռադիոկայանի իրանական ծառայության լրագրող Ռուբիկ Մինասյանը, մարդկանց ստիպողաբար են բերում հավաքներին․ - «Իշխանության կազմակերպված ցույցն ա տեղի ունեցել՝ ի պաշտպանություն իրեն: Այսինքն, իշխանությունը հրավիրել ա ժողովրդին, որպեսզի ի պաշտպանություն իրեն և ի պաշտպանություն հոգևոր առաջնորդի ցույց անեն: Տեղեկություններ կան, որ մարդկանց ստիպողաբար․․․ պետական օրգանների աշխատողներին ասել են, որ եթե չմասնակցեք այս ցույցին, կարող եք վաղվանից աշխատանքի չգալ: Այս պահին ցույցերը շարունակվում են»:

Վերջին տվյալների համաձայն՝ ցույցերի հետևանքով զոհերի թիվը հասել է 20-ի: