Իրանում զանգվածային ցույցերի զոհերի թիվը հասել է 12-ի (տեսանյութ)

Դեկտեմբերի 28-ից Իրանի մի շարք քաղաքներում անցկացվող զանգվածային ցույցերի հետևանքով զոհերի թիվը հասել է 12-ի: 

Իրանական Fars գործակալությունը դեկտեմբերի 29-ին հայտնել էր վեց քաղաքում զանգվածային ցույցերի մասին։ Ըստ իրանական լրատվամիջոցների՝ ցույցերն ուղղված են երկրի կառավարության վարած տնտեսական քաղաքականության դեմ։

Զինված ցուցարարները փորձել են ոստիկանության բաժանմունքներ և ռազմակայաններ բռնագրավել, սակայն անվտանգության ուժերը կանխել են նրանց գործողությունները:

Երկրում տիրող իրավիճակին անդրադառնալով՝ Իրանի նախագահ Հասան Ռոհանին կոչ է արել իրանցիներին զերծ մնալ բռնի գործողություններից:

«Մարդկանց միակ մտահոգությունը տնտեսության վիճակը չէ: Մարդիկ դժգոհ են նաև կոռուպցիայի ծավալներից և թափանցիկության բացակայությունից»,-հավելել է նա:

Նաև ընդգծել է, որ Իրանը երկիր է, որտեղ յուրաքանչյուրը սեփական կարծիքի իրավունք ունի։

IRNA գործակալության փոխանցմամբ էլ՝ Իրանի խորհրդարանն արտահերթ նիստ կգումարի՝ բողոքի ակցիաների կապակցությամբ։

Zham.am
Կարդացեք նաեւ՝  Եթե Իրանում բռնկվի հեղափոխություն ապա այն կսպառնա Հայաստանի անվտանգությանը