«Մայր Հայաստան» խմբակցության անդամը՝ Տիգրան Ավինյանի չիրականացված խոստումների մասին (տեսանյութ)

Երևանի ավագանու «Մայր Հայաստան» խմբակցության անդամ Աննա Ավետիսյանն անդրադարձել է Տիգրան Ավինյանի խոստումներին և հանձնարարականներին, որոնք այդպես էլ չեն իրագործվել։

Մասնավորապես՝

1. Վարդաշեն 6-րդ փողոցի վթարային շենքերում անմարդկային պայմաններում ապրող բնակիչներին Տիգրան Ավինյանը 2023 թ․ նախընտրական փուլում հանդիպման ժամանակ խոստացել էր 1.5 տարի հետո տարհանել և բնակեցնել նոր բնակարաններում, սակայն այդ խոստումից ավելի քան մեկ տարի է անցել, բայց հարցի լուծման սկիզբը չի էլ երևում։

2. Նորք-Մարաշ վարչական շրջանի թիվ 121 մանկապարտեզի շենքի մի մասը տրվել է սոցիալական ծառայությանը, բայց արդեն մի քանի տարի է՝ այն փակ է, իսկ 32 երեխա սպասում է իր հերթին, քանի որ տեղ չկա։ Նախորդ նիստին Ավինյանը հանձնարարել էր լուծել այս հարցը, բայց մեկ ամսից ավելի անցել է ու իրավիճակը նույնն է։

3. Ամիսներ առաջ ինքնագլորների վերաբերյալ հարցին Ավինյանը պատասխանել էր, որ լինելու են առանձնացված գծեր և՛ ինքնագլորների, և՛ հեծանիվների համար։ Սակայն, այդ առանձնացված գծերը մինչ օրս չկան։
https://www.facebook.com/watch/?v=1833792914026090