Ուսուցչին տապալել են գետնին, սեղանը բրդել, մազերից քաշել. Ծնողը մանրամասներ է հրապարակել. Փաշինյանի անձնական սպասարկման փառապանծ ԱԱԾ-ի սխրանքներից
Ֆեյսբուքյան օգտատեր, «Բարի մամա» ՀԿ հիմնադիր Մարինա Ադուլյանը, ում երեխան սովորում է Ջոն Կիրակոսյանի անվան դպրոցում, մանրամասներ է ներկայացրել ԱԱԾ աշխատակիցների գործողություններից.
«Այսօր երեխայիս ֆիզիկայի դասին ԱԱԾ֊ն (այդպես են ներկայացել ըստ լուրերի) ներխուժել է դասարան, ուսուցչին տապալել գետնին, սեղան բրդել, մազերից քաշել և այլն։
Այդ ամենը երեխաների աչքի առաջ,, 2 ժամ է չենք կարողանում էդ ամենից հետո երեխաներին հանգստացնել։
Լավ, ո՞՞՞նց։
Ո՞ւր են ձեր դրոշակ դարձրած մարդու իրավունքները, երեխաների շահերը և այլն։
Դուք տանը երեխաներ չունե՞ք։ Ձեր երեխաների աչքի առաջ երեխաների ամենասիրելի ուսուցիչներից մեկի հետ նման բան կանե՞իք։
Ինձ չի հետաքրքրում՝ մեղադրանք, հիմնավոր է, թե անհիմն` դա թող իրավապահ մարմինները պարզեն։ Բայց իմ երեխայի աչքի առա՞ջ, հետպատերազմական երկրում, երեխային այսպիսի սթրեսի ենթարկել՞՞՞»։
--
Մեր կողմից նկատենք, որ անկախ այն բանից, թե ինչի մեջ է կասկածվում (մեղադրվում) տվյալ անձնավորությունը, առանձին քրեական վարույթ պետք է հարուցվի «բռնելու» գործողությունն այդպես ծրագրած և իրականացրած ԱԱԾ-ականների նկատմամբ՝ համակարգից առհավետ հեռացնելու պարտադիր պայմանով: ԱԱԾ-ն երևի պիտի հիշի, որ ինքը ոչ թե ահաբեկչական կառույց է, այլ՝ հակա-ահաբեկչական, ու նախատեսված չէ դասի ժամին երեխաներին սթրեսի ենթարկելու համար: Դպրոցներում երեխաներին սթրեսի ենթարկել թույլատրվում է միայն ԿԳՄՍ նախարարին՝ ապուշ դասագրքերի միջոցով:
Հետևեք մեզ Facebook-ում