ՌԴ-ին զգուշացնում ենք՝ Զանգեզուրի միջանցքն Իրանի կարմիր գիծն է. Ալիռեզա Արաֆի
Մեր երկրի արտաքին քաղաքականության նպատակն ու մտադրությունը հիմնված են աշխարհում միաբևեռ համակարգի գերակայության վերացման և այս ուղղությամբ բոլոր համաձայնագրերի, մասնավորապես՝ ՇՀԿ-ի, ԲՐԻԿՍ-ի: Դրա մասին հայտարարել է Առաջնորդության փորձագետների ասամբլեայի փոխնախագահ և Իրանի Սահմանադրության պահապան խորհրդի անդամ այաթոլլա Ալիռեզա Արաֆին։
«Սրա վրա են հիմնված բարեկամական, տնտեսական, քաղաքական, գիտական հարաբերությունները այնպիսի երկրների հետ, ինչպիսին են Չինաստանը և Ռուսաստանը, բայց մենք Ռուսաստանին զգուշացնում ենք, որ չնայած բարեկամական հարաբերություններին, երեք կղզիների և Զանգեզուրի միջանցքի տիրապետության հարցերը մեր կարմիր գծերն են»,- ըստ Fars News գործակալության՝ հայտարարել է նա:
Ի պատասխան Թուրքիայի նախագահի խոսքերի, որը հայտարարել է, թե անհրաժեշտ է միջոցներ ձեռնարկել Սիոնիստական ռեժիմին դիմակայելու համար, Ալիռեզա Արաֆին հայտարարել է. «Նախ փակեք ձեր երկրում Սիոնիստական ռեժիմի դեսպանատունը և երկրորդ՝ աջակցեք դիմադրության առանցքին»:
Հետևեք մեզ Facebook-ում