Ֆրանսիայի խորհրդարանական ընտրություններում առաջատարը ծայրահեղ աջ «Ազգային միավորում» կուսակցությունն է

Ֆրանսիական ծայրահեղ աջ «Ազգային միավորում» կուսակցությունը և նրա դաշնակիցները խորհրդարանական ընտրությունների առաջին փուլում հավաքել են ձայների 34 տոկոսը, հայտնում է France 24-ը՝ վկայակոչելով Ipsos Talon կազմակերպության սոցհարցման տվյալները։

Ակնկալվում է, որ նորաստեղծ ձախերի դաշինքը՝  Ժողովրդական նոր ճակատը, կզբաղեցնի երկրորդ տեղը՝ 28,1%-ով, իսկ նախագահ Էմանուել Մակրոնի կենտրոնամետ կուսակցությունը՝ երրորդ տեղը  20,3%-ով։

Պահպանողական հանրապետական ​​կուսակցությունը, որը չի միացել ծայրահեղ աջերին, հավաքել է ձայների 10,2 տոկոսը։

Մակրոնը արտահերթ ընտրություններ էր նշանակել այն բանից հետո, երբ իր «Վերածնունդ» կուսակցությունը հունիսին կայացած Եվրախորհրդարանի ընտրություններում պարտվել էր «Ազգային միավորմանը»։

Ipsos Talon սոցհարցման գործակալության տվյալներով, կիրակի օրը ժամը 18:00-ից անմիջապես հետո ֆրանսիացի ընտրողների մասնակցությունը խորհրդարանական ընտրություններին կազմել է 65,5%:

Սա փոքր-ինչ ցածր է նախնական 67,5% գնահատականից, բայց, այնուամենայնիվ, զգալիորեն գերազանցում է 2022 թվականին գրանցված մասնակցությունը, որը կազմում էր 47,5%։

Սա 1986 թվականից ի վեր Ֆրանսիայում ընտրողների ամենաբարձր մասնակցությունն է։
Աղսյուր՝ News.am