Նիկոլի «կարմիրբերետները» խմբովի հարձակվեցին հայուհու վրա (տեսանյութ)
«Հրապարակը» գրում է. «Կարմիր բերետավորները քաշքշելով, բիրտ ուժ գործադրելով, բերման են ենթարկում մարդկանց, որոնք պայքարի են դուրս եկել Հայաստանը թուրքական գործակալներից ազատագրելու համար։
Մարդկանց կոպտորեն դեպի ոստիկանական մեքենա տանող բերետավորներից մի 10 մետր հեռու, հանգիստ կանգնած, այդ ամենը նկարում էր սամբոյի գծով բազմաթիվ մրցաշարերի մեդալակիր, Արցախի արժանավոր դուստր Սոսե Բալասանյանը։ Կարմիր բերետավորներից մեկին երեւի դուր չեկավ Արցախի դրոշը մեջքին գցած աղջկա պահվածքը։ Ու սա մյուս բերետավորներին` հետեւից գցած, հարձակվեց հանգիստ կանգնած աղջկա վրա, ու սկսեցին կոպտորեն տանել դեպի մեքենան։
Սոսեն դիմադրում էր ու ասում, որ ինքն իր համար հանգիստ կանգնած էր, բայց շուտով մարմնով իրենցից կրկնակի փոքր աղջկա վրա հարձակվեցին մոտ տասնյակ կարմիր բերետավորներ եւս` փորձելով աղջկան զոռով մտցնել ոստիկանական մեքենայի մեջ։
«Ամոթ ձեզ»,- դիմադրում ու բղավում էր արցախցի աղջիկը։ Ի պատասխան, բերետավորներից մեկն ասաց` ամոթը քեզ, մնայիր, Արցախը պահեիր...
Ի վերջո տասնյակ աժդահա համազգեստավորները տեղի տալով` համարձակ աղջկան բաց թողեցին։
Այդ տեսարանը դիտող յուրաքանչյուրը, կարծում եմ, հաստատ համոզված է, որ մարմնի չափերով կրկնակի, եռակի փոքր այդ աղջիկը մեն-մենակ կգետներ նրանցից յուրաքանչյուրին, եթե խմբով չհարձակվեին իր վրա։
Քիչ առաջ կադրեր տեսա, որտեղ Բագրատ Սրբազանը տեսնելով Սոսեին, հարցնում է աղջկա որպիսությունը։ Սոսեն ասում է, որ զայրացած է ու պատմում է կատարվածը` վերջում ավելացնելով, որ նրանք թող իր չափ Արցախ պահեին` «թող այդ թուրքահպատակները գային Արցախ, իմ կողքին կանգնեին»։ Ապա ավելացնում է` «Բայց ես Հայաստանը կպահեմ ու կվերադառնանք Արցախ», որին հետեւում են Սրբազանի շուրջ հավաքված մարդկանց ծափահարությունները։
Հետևեք մեզ Facebook-ում