Ոստիկանական մեքենայի վարորդն ավտոմեքենայով հարվածեց կին լրագրողին, նա հիվանդանոցում է

Ոստիկանական մեքենան հարվածել է Mediahub.am-ի լրագրող Նարե Գևորգյանին։ Այս պահին նա «Նաիրի» ԲԿ–ում հետազոտվում է, ունի ոտքի վնասվածք, հայտնում է «Սպուտնիկ Արմենիա»-ն։
Մեր կողմից հավելենք. կադրերից ակնհայտ երևում է, որ 027 II 02 պետհամարանիշով ոստիկանական «ԳԱԶել» մակնիշի մեքենայի վարորդը չէր կարող 1 մետր հեռավորության վրա չտեսնել, որ հետիոտնային անցումով մարդ է անցնում, բայց հենց լրագրողը (դա ևս ակնհայտ էր, քանի որ ձեռքին պարզ երևում է միկրոֆոնը) հայտնվում է ոստիկանական մեքենայի ընթացքի ուղղության վրա, մեքենան հարվածում է լրագրողին, ապա արգելակում:
Ավելի ու ավելի են շատանում փաստերը, որոնք վկայում են ոստիկանների կողմից թիրախավորված կերպով լրագրողներին վնասվածքներ պատճառելու, թիկունքից հրել-գցելու, խեղդելու, հարվածելու, չգիտես, թե էլ ինչ օյիններ անելու հրահանգ ստացած լինելու մասին: 
Փաշինյանի անձնական ոստիկանների համար լրագրողները հռչակված են «դասակարգային թշնամի»:  
Այս հղումով կարող եք տեսնել դեպքի տեսանյութը
https://www.facebook.com/gagik.hambaryan.71/posts/pfbid02xjRodnupdx6FjYTLfE7KxwwfujLTdDN8hdeycu7LCtE836JMZvGd15guohjk5JBxl