Փաշինյանական ԱԱԾ-ն ուղիղ կերպով սպառնում է Արժանապահվության երթի մասնակիցներին
Փաշինյանական ռեպրեսիվ մեքենան գնալով ավելի ու ավելի ագրեսիվ է դառնում, ինչով մատնում է իր շեֆին համակած սարսափը:
Ահավասիկ, փաշինյանական ԱԱԾ-ն, որը բացարձակապես ոչինչ չի ձեռնարկել՝ կանխելու համար այս ամբողջ ընթացքում պետության անվտանգության ու տարածքային ամբողջականության դեմ ուղղված իշխանության գործողությունները, հանկարծակի հիշել է, որ ինչ-ինչ «առաքելություններ» ունի, որպես պետական կառույց:
Փաշինյանի ու նրա խմբակի նեղ-անձնական շահերի սպասարկմանը լծված ԱԱԾ-ն այսպիսի հայտարարություն է տարածել.
«Ազգային անվտանգության ծառայությունը սահմանադրական կարգի պահպանման իր գործառույթի շրջանակներում հորդորում է 2024 թվականի ապրիլի 4-ից սկիզբ առած «Տավուշը հանուն հայրենիքի» շարժման աջակիցներին պահպանել օրինականությունը և չոտնձգել իրավակարգի դեմ։
Ընդգծելով սահմանադրական կարգը ցանկացած ոտնձգությունից պահպանելու Ազգային անվտանգության ծառայության առաքելությունը՝ արձանագրում ենք՝ սահմանադրական կարգին սպառնացող, ոչ իրավաչափ ցանկացած վարքագիծ չեզոքացվելու է օրենքով սահմանված ողջ գործիքակազմի կիրառմամբ»։
Սա ոչ այլ ինչ է, եթե ոչ ամենաիսկական սպառնալիք, որն ուղղված է պայքարի ելած հայ ժողովրդի, բոլոր ազնիվ ու հայրենասեր հայերի, Հայաստանի շիտակ քաղաքացիների դեմ: Սա միաժամանակ, իշխանությանը, կոնկրետ Փաշինյանին համակած իշխանազրկման սարսափի անմիջական արտահայտություն է:
Հետևեք մեզ Facebook-ում