Հանրության քաղաքական ու շրխկան «ապտակը» Նիկոլ Փաշինյանին ու նրա մարդատյաց իշխանությանը

Իրավապաշտպան, փաստաբան Ռուբեն Մելիքյանը ֆեյսբուքյան գրառմամբ քիչ առաջ հայտնեց հանրությանը, որ Սամվել Վարդանյանի խափանման միջոցի հետ կապված դատարանի սահմանած 7 միլիոն դրամ գրավի համար անհրաժեշտ գումարն արդեն հավաքված է: Իրավապաշտպանը գրել է. «Գումարը հավաքվեց։ Սամվել Վարդանյանի գրավը վճարելու համար հայտարարված դրամահավաքն ԱՎԱՐՏՈՒՄ ԵՆՔ։
Ժամը 18:40-ի դրությամբ՝ հավաքվել է 5 մլն 800 հազար դրամ, իսկ մնացած գումարը կփոխանցի Ռուբեն Հայրապետյանը։
Բոլորին շնորհակալություն! Ունեինք 2 օր, բայց անհրաժեշտ գումարը հավաքվեց ընդամենը 5-6 ժամում»։
Մեր կողմից հավելենք, որ Նիկոլ Փաշինյանի իշխանության կողմից քաղաքական հետապնդման ենթարկվող, նաև, ինչպես համոզված են շատ մեկնաբաններ՝ ՔՊ-ի վերին էշելոնի հրահանգով քստմնելի բռնության և արժանապատվությունը վիրավորող կտտանքների թիրախում հայտնված Սամվել Վարդանյանին հանրության լայն շրջանակների միահամուռ աջակցությունը բավականին խոսուն է: 
Այն, որ Սամվել Վարդանյանի դատական գրավի համար անհրաժեշտ գումարը հավաքվեց հանգանակությամբ, մեծ թվով հայրենակիցների մասնակցությամբ ու այդքան կարճ ժամանակահատվածում, կարելի է ասել, որ հանրության քաղաքական ու նաև՝ շրխկան «ապտակն» էր Նիկոլ Փաշինյանին ու նրա  մարդատյաց ռեժիմին: