Այո, անձամբ դու ես խնդիրը, հել ու նշածդ արա... Փաշինյանի ասուլիսի տեսանյութը

Փաշինյանն այսօրվա ասուլիսում ասել է. «Կարո՞ղ է մենք ենք խնդիրը, հելնենք ռադ լինենք, էս ժողովուրդն էլ պրծնի»։
Դա, ինչպես հաղորդում է News.am-ը, եղել է հետևյալ հերթականությամբ. Փաշինյանը նախ, ասել է. Մենք ինքներս մեզ հարց ենք տալիս՝ի՞նչն ենք մենք սխալ անում Ռուսաստանի հետ հարաբերություններում: Ապա շարունակել. «Որևէ վատ բա՞ն ենք արել, որևէ մեր դաշնակցային պարտավորություն չենք կատարել, մարդկային սխա՞լ ենք գործել, քաղաքական սխա՞լ ենք գործել։ Մենք էլ ենք մեզ հարց տալիս՝ ինչո՞ւ էդպես եղավ, սե՞նց պիտի լիներ, երևի մենք ենք մեղավոր, որ Արշակ Կարապետյանի նման մարդուն չենք նշանակում ՊՆ նախարար կամ ԳՇ պետի տեղակալ։ Ի՞նչ է պետք անել, հրաժարակա՞ն է պետք տալ, տալիս ենք»։
Անդրադառնալով Հայաստանի կողմից ՀԱՊԿ-ին դիմելուն՝ Փաշինյանն ասաց․ «Մեր ընդդիմությունն ասում էր՝ մենք ունենք հավաստի տեղեկություններ, որ դուք երբ դիմել եք ՀԱՊԿ-ին, դիմել եք ոչ թե 4-րդ կետի 6-րդ նախադասության համաձայն, այլ դավադիր կերպով դիմել եք 2-րդ հոդվածով։ Դրաով իսկ ստեղծել եք իրավական խոչընդոտ, որ մեր դաշնակիցները կատարեն իրենց պարտավորությունը։ Հետո գնում ու ստուգում էինք, ու տեսնում էինք, որ ճիշտ ենք արել։ Կարո՞ղ է մենք ենք խնդիրը, հելնենք ռադ լինենք, էս ժողովուրդն էլ պրծնի։ Արշակ Կարապետյանը մեր բաժակի վերջին կաթիլներից էր»։