Որդու զոհվելուց հետո արտագնա աշխատանքից վերադարձած հորը 370.000 դրամ հարկել են

 Այսօր՝ փետրվարի 21-ին, Գեղարքունիքի մարզի Մարտունի քաղաքի բնակիչները փակել են Երևան-Մարտունի ճանապարհը: Բողոքում են օրենքի դեմ, ըստ որի՝ արտագնա աշխատանքի մեկնածները պետք է ՀՀ-ում 20 տոկոս եկատմային հարկ վճարեն։

«Անսպասելի մարդկանց ուզում են հարկեն: Ով արտագնա աշխատանքի է դուրս գալիս արտերկիր՝ հարցրեք, տեսեք գոնե մեկը տեղյա՞կ է այդ հարկերի մասին: Սյուրպրիզ ձևով վերցրել ուղարկել են մարդկանց և ստույգ գումարներ՝ 300-400 հազար: Եղել են ֆորսմաժորային իրավիճակներ, որ մարդը սեզոնի կեսից հետ է վերադարձել: 2022 թվականի ադրբեջանական հարձակման ժամանակ մեզ հետ աշխատողներից մեկը վերադարձավ, քանի որ տղան զոհվել էր: Հիմա այդ մարդուն՝ հերոսի հորը, 370.000 դրամ հարկել են»,- ասաց ակցիայի մասնակիցը: Ըստ վիճակագրական տվյալների՝ Հայաստանից ամենաշատն արտագնա աշխատանքի մեկնում են Գեղարուքնիքի մարզի, մասնավորապես, Մարտունի քաղաքի բնակիչները: