Փաշինյանի այցից առաջ, Հանրային ռադիոյում հավաքել են կրակմարիչները, բայց դռներին ձեռք չեն տվել
«Հրապարակ» թերթը գրում է. «Փաշինյանը երեկ առավոտյան այցելել է Հանրային ռադիո և հարցազրույց տվել, որը, սակայն, ռադիոյի կայքում երեկվա դրությամբ դեռ տեղադրված չէր։ Ռադիոյի աշխատակիցները պատմում են, որ Փաշինյանի գալստյան առիթով անվտանգային այնպիսի միջոցառումներ են իրականացվել, որից տպավորություն է ստեղծվել, թե տեռակտ են բացահայտում՝ ստուգվել են անգամ ռադիոյի շենքի հարևանությամբ կայանված ավտոմեքենաները, հավաքվել են նաև շենքի ներսում անվտանգության նկատառումներով տեղակայված կրակմարիչները։
Ամեն անգամ Փաշինյանի անվտանգության աշխատակիցները, փաստորեն, մեծ երևակայություն են դրսևորում և նորանոր պարանոյիկ մտքեր ունենում, ըստ այդմ էլ՝ գործում»:
Առհասարակ, տարօրինակ է, որ միայն կրակմարիչներն են հավաքել: Հաշվի առնելով «պահպանվող օբյեկտի» հակումները, նրա թիկնազորքը ռադիոյի շենքում պիտի դռներն էլ հավաքեր, քանի որ Փաշինյանը այդ շենքում հենց դուռ է տեսնում կամ սկսում է ջարդել, կամ սվաղել: Երևի ռադիոալիքներն են այդպես ազդում:
Զարմանալի է նաև, որ ոչինչ չի հաղորդվում հագուստի կախիչների, ծորակների, ցնցուղների հետ կապված:
Հետևեք մեզ Facebook-ում